影片
更多
2023-06-30
724 瀏覽
今次係你食午餐，由訂位開始，因為餐廳係可以改期一次，改期時，職員通知只可以改期一次，否則就會沒收訂金，呢個我一早已經知，但係職員再次講呢句說話嘅時候態度可以再友善一些。到用餐日期，去到reception，帶位姐姐帶到去餐廳嘅梳化位置，由於腰部唔舒服，所以要求坐同一張枱嘅座椅位置，座椅比較重，我請職員幫我拉一拉張凳，帶位姐姐面露不悅神色，亦不大願意幫我拉凳。坐低之後，我見到我張凳附近就有一張矮細嘅椅子係俾人哋放袋嘅，我就請職員幫我拉近嗰張矮椅子俾我放袋，但係職員就叫我放喺梳化嗰度，我話我腰唔舒服，我想近啲放個袋在我隔離，但他表示有其他客人會行去你張枱嗰度㗎，咁你就會阻住其他客人㗎，而家我將你張凳再拉埋啲，但事實係我同另一張枱相距都有一段距離，其他客人點解會無端端行去我張枱呢？之後就開始點餐，由於我唔食黑椒，我見到有一個鱈魚有黑椒汁，我就問職員可唔可以有其他汁，佢就一口話冇，我又見到剩係得一款青豆湯，我問有冇其他湯，佢都係有一口話冇，但係後來我聽到另一張枱話唔想飲青豆湯，佢就話問吓問吓可唔可以轉其他湯俾佢。之後我就問佢可唔可以俾杯水，佢就好唔友善咁話我哋冇普通水架喎，我哋淨係得$88杯嘅有
之後就開始點餐，由於我唔食黑椒，我見到有一個鱈魚有黑椒汁，我就問職員可唔可以有其他汁，佢就一口話冇，我又見到剩係得一款青豆湯，我問有冇其他湯，佢都係有一口話冇，但係後來我聽到另一張枱話唔想飲青豆湯，佢就話問吓問吓可唔可以轉其他湯俾佢。之後我就問佢可唔可以俾杯水，佢就好唔友善咁話我哋冇普通水架喎，我哋淨係得$88杯嘅有汽水呀、冇汽水呀、礦泉水，$88 杯都係一杯水啫，唔需要咁嘅態度掛，最後我都叫要咗杯$88嘅水。以前最出名嘅麵包籃，而家得返幾款麵包，而且啲麵包係凍嘅，真係無言以對。第一道菜嚟咗一個蕃茄湯，基本發揮啦，面頭放左啲好凍嘅芝士，就非常之稣，令到碗湯味道唔係咁好。跟住係魚子醬，味道OK。再之後青豆湯，都正常味道，裏面有啲一粒粒嘅青豆都幾爽口。跟住就係一個黑鱈魚，表面煎到黑蚊蚊，汁同魚真係好唔配合，呢個就真係麻麻哋。叫甜品嗰陣時仲勞氣，因為啲甜品款式都唔出色，一係就係朱古力，一係就係好酸嘅雪巴，最尾嗰個係士多啤梨，我記得我上一次嚟食都係士多啤梨，咁我就輕輕自己講咗句我呢個上次食過啦，個職員就竟然好串咁話冇可能，呢個係新架喎，好似質疑我喺度講大話咁嘅語氣，咁上次又係士多啤梨今次又係士多啤梨，我點會記得你個名呀，咁你最多好客氣咁話上次嗰個可能係日本士多啤梨，同今次唔同㗎，需要咁串咁講呀嗎。跟住個甜品嚟到，佢講到話好好食，啲士多啤梨好酸，雪巴又酸，士多啤梨下面d cream完全都冇味, 得個甜字, 下邊有啲好窿嘅開心果仁, 總之一d 都吾好食。以前喺呢邊食過一次，隔離 bar table 過幾次, 都從來冇試過咁差, waiter 好似冇受過訓練咁，食物質素每況愈下，真係懷疑自己係咪去緊一間三星餐廳，1 星 Tosca service 好好多。唯一係橄欖油好過 Tosca。
張貼