屋子生活 (已結業)

第一次寫食評，都要寫下呢間好似好多人推薦既cafe。當日起身穩野食，揀左附近呢間cafe，第一次試，感覺鋪頭幾大，環境尚算ok~同老婆坐近門口位，睇menu揀左一份鰻魚丼同咖喱炸蝦丼，感覺無乜太突出，同埋價錢略貴，Cp值唔高，好似要加多$45蚊先可以揀其他咖啡/飲品~不過心諗呢間餐廳可能係出名甜品蛋糕，所以差唔多食完，叫左一份朱古力梳乎厘，佢係即叫即整，大概等左20-25分鐘，見個waitress送黎，滿心歡喜，佢同我講唔好意思，我order個梳乎釐同隔離檯調換左，而隔離係叫培茶味，我即刻燥燥地，有乜可能你做餐飲業，放低食物前唔係應該要同食客double confirm咩？ 而我同老婆對於培茶味真係不大興趣，所以唯有再等多20-25分鐘再整，而等待期間鋪頭門口有一大班小朋友o係度喧鬧，所以成個感覺好差😤真心希望呢間餐廳可以提升下店員服務質素，因為食主餐時，隔離檯已經投訴送錯飲品之類😓好彩佢最後個朱古力梳乎釐係幾好食，先叫做心情好翻少少整體而言，個人覺得正餐可以唔洗去，食蛋糕甜品飲咖啡可以一試既