泰巷 (已結業)

年初三，同太太睇戲前搵嘢食，荃新天地內間間餐廳都無位，排哂長龍。最後見到這一間不用排隊，見裝修都幾好，就入去試下。但叫極都冇人理，終於等到經理出來才坐下來，當時有三四個著黃色制服的夥記，看到我們但都理都唔理。看餐牌就知餐廳管理有問題。餐牌只是幾張 A4紙，第一頁是套餐， 我想選擇咖哩雞扒，但睇嚟睇去都唔知配飯或配意粉或其他，因為餐牌無寫任何嘢，於是就問夥記，她用一些嬉皮笑臉的方式講：「 哈哈，真係我哋錯， 中文嗰度真係冇寫，但英文有這個rice字喎，死囉如果啲人客唔識英文咁真係睇唔到㗎。」氣都頂埋，唔通我大學畢業都唔識個rice字。算啦，睇埋餐牌的第二頁，是他們說自己出名的船河，但夥記繼續講其實嗰啲唔係河粉嚟嘅，係米粉嚟，明明寫著是河粉，點解會係米粉呢？但太太想食河粉，夥計即粉炒的就有河粉，湯就沒有了，再次繳死。好彩啲食物來得也快，但是咖哩只是暖的，飯更是凍的，算啦有得食就算，因趕住入場。結賬了，取出信用卡付款，我本來是想簽卡的，點知夥計回來時話已拍了卡，本來無所謂，離開後才諗到點知佢拍左幾多次和幾多錢呀，點解唔問過我才拍卡，這餐廳真係好有問題，朋友真的不要去。