泰巷 (已結業)

今日老婆話 想食泰菜所以就揀咗間舖頭！無骨豬手飯: 豬手都入味嘅，但份量好少小食拼盤:每樣嘢得兩嚿呃錢香茅骨: 炸得太硬嘢飲話優惠價，但杯凍檸樂都要成十六蚊，都唔算優惠啦

一向都知道餐廳的食物造型照片不可信，不過賣相也不可以落差太大，甚至是令人失去食慾！看著餐牌，充滿期待；見到實物，非常後悔。賣相欠佳，味道亦中下。果個咩「小你老X」不要和我說甚麼幾十元要求多多，更不要和我說把我列入甚麼黑名單！彈得呢間野既人仲會再去食咩﹖哈哈~~

中午食完台灣菜，晚上就簡單食個泰國湯粉。2個人點了海鮮湯河、 香茅豬扒湯河，飲品青檸梳打及龍眼冰。香茅豬扒湯河，豬扒是分開上而不會太油。海鮮湯河，材料豐富而蝦爽口，整體不過不失。

去荃灣做嘢, 本來諗住搵 d 茶餐廳試下, 不過有人話好熱, 所以匿入商場搵食! 經過門口見到餐牌都幾抵食,諗住試下…點知有點小伏! 黃咖喱吉列豬扒 ~ 等左勁耐先到! 嚟到個飯竟然係凍既, 好似係雪柜攞出嚟咁! 連咖喱汁裡面個薯仔都係凍既! 豬扒應該係剛炸起無耐 (唯一熱食) 不過有點乾! 我食傳統風味無骨豬手飯 $53 ~ 豬手勁瘦 (於我是 OK 的) 不過著實係有點少硬! 汁份量太少, 連我呢個唔好撈汁既人都覺少! 飯唔算熱, 只係暖暖哋, 但就未至於好似咖喱嗰碟飯咁係凍既! 有大量香脆咸咸哋既花生 (成碟飯最好味係花生)! 凍飲加 $3, 有泰式凍奶茶同泰式檸檬茶選擇! 我哋4個都飲奶茶, 唔太甜, 茶味唔算濃, 可以接受! 

今日去了食泰菜，但是這間泰菜一般般，食了冇骨雞腳味道也很濃味，再上一個滷味拼盤滷水唔夠入味好淡，不過個雞翼和蒜蓉包好在爽脆也可以接受，生菜包比較淡肉質也可以接受。

去到點野食，足足等左半個鐘都無野食及飲品，原來得一個人識用機落單，在等的期間，足足有兩檯人走來唔得，都是黑面走人，出面等位的人見啲人都黑面走佬，所以位都唔等了。

今日同屋企人食下午餐 我媽嘢食完嘢飲飲完 旁邊個枱遲過我地黎 嘢食都食左一半 而我份嘢食等左半多中都味黎 甘就好聲好氣甘問可五可以幫我跟一跟 掂知個經理走黎回覆系態度惡劣甘講你等下 我再等都仲味黎 甘再追多次先黎 其實系五系如果知道要等時間比較長可以系客人落單時提醒等時間會長啲呢 。 系我食緊一半途中 後尾有侍應就倒瀉茄汁 彈到我成對鞋同條褲都系 但五明白經理見到甘樣都可以扮睇五到 呢間嘢管理十分有問題！總之呢間嘢服務態度十分差！

年初三，同太太睇戲前搵嘢食，荃新天地內間間餐廳都無位，排哂長龍。最後見到這一間不用排隊，見裝修都幾好，就入去試下。但叫極都冇人理，終於等到經理出來才坐下來，當時有三四個著黃色制服的夥記，看到我們但都理都唔理。看餐牌就知餐廳管理有問題。餐牌只是幾張 A4紙，第一頁是套餐， 我想選擇咖哩雞扒，但睇嚟睇去都唔知配飯或配意粉或其他，因為餐牌無寫任何嘢，於是就問夥記，她用一些嬉皮笑臉的方式講：「 哈哈，真係我哋錯， 中文嗰度真係冇寫，但英文有這個rice字喎，死囉如果啲人客唔識英文咁真係睇唔到㗎。」氣都頂埋，唔通我大學畢業都唔識個rice字。算啦，睇埋餐牌的第二頁，是他們說自己出名的船河，但夥記繼續講其實嗰啲唔係河粉嚟嘅，係米粉嚟，明明寫著是河粉，點解會係米粉呢？但太太想食河粉，夥計即粉炒的就有河粉，湯就沒有了，再次繳死。好彩啲食物來得也快，但是咖哩只是暖的，飯更是凍的，算啦有得食就算，因趕住入場。結賬了，取出信用卡付款，我本來是想簽卡的，點知夥計回來時話已拍了卡，本來無所謂，離開後才諗到點知佢拍左幾多次和幾多錢呀，點解唔問過我才拍卡，這餐廳真係好有問題，朋友真的不要去。

今日係lunch 係荃新天地，見到呢間食泰國野又有位喎唔洗等就決定試下佢啦。入到去六成full左右，睇下個menu,佢啲野食又唔貴喎，加幾蚊又有泰式涷奶茶，抵讚！不過味道又係點呢？今次就試下佢既香矛豬扒船河。一上枱就見啲豬扒比較散，唔多似原整一塊，但都見到佢上面有唔少香矛，而麵方面，啲料有唔少，麵上有炸豬皮有驚喜，出面比較少見，湯既味道唔差，不過豬扒同湯都比較油，有改善空間。而個泰式涷奶茶就唔錯夠濃味！

約朋友在荃新天地食午餐，朋友提議到這間餐廳。睇一睇餐牌，原來他們的早餐有提供到12點。還不是太肚餓，所以我點了一份早餐。原來這間是泰國餐廳，早餐的餐牌也是很國際化。我點的是香煎豬扒加厚多士加煎雙蛋來一杯熱齋啡。早餐來的時候，賣相比較一般。豬扒有一點乾和硬，醬汁也是奇奇怪怪的，煎蛋比較熟。餐牌提到的凱撒沙律只見一片青瓜一片蕃茄，一片生菜和醬汁，齋啡水準比較穩定，沒什麼特別。整體來說喜歡他的早餐供應時間夠彈性。餐點的部份就...

今日Sunday，返完工之後就接埋女女一齊去食lunch，因為我係荃新天地返工，女女係荃新天地學跳舞💃🏻，成日都會經過呢間「泰巷」舖頭，每次去都好多人排隊，今日因為假期都係好多人排隊，不過今日我係真係想試吓呢間泰國菜，因為本身我係1/4 mix血統係泰國人🇹🇭，今日終於皇天不負苦心人，終於讓我如願以償！識我嘅人都知道，爺爺以前係商家，亦都係一位品味師，由細到大俾爺爺寵慣食好嘢，所以對好多食物都好高要求～特別對自己家鄉嘅食物要求更高，一係潮州菜，一係泰國菜！🥰🥰但係真心講一句，我到而家，係港九新界未發覺一間潮州菜真係會令我呢個潮州妹食完話好既！一坐下，就聽到隔離台的人說這裡的凍奶茶很好喝，同出面不一樣，聽到我個心很癢，本身我對奶茶一般般，因為怕肥🤣不過今日真係試咗，果然真係同出面不一樣，零舍不同～😍嗌咗火車頭河粉and牛魔王河粉，哈哈～😅一睇到呢d名都覺得好好笑，都唔知d嘢點，但係結果都係出乎意料，正👍🏻👍🏻👍🏻好大碗，而且好足料～d湯底牛味夠濃😋😋見我女食得咁滋味都知道真係好好食啦～我純粹同大家share～如果大家鍾意都不防可以試吓～

喺荃灣食下午茶其實唔使點Openrice, 因為實在太多options啦！所以今日隨心喺荃新天地地下食😋白汁碎蛋三文治🥪配特式沙律 （HKD35）選用麥包嘅三文治🥪, 裡面嘅白汁碎蛋並不只有中間睇有先有搽, 而係整塊麵包都是滿滿的餡料, 白汁份量剛剛好. 成件事非常健康👍🏻 仲要有心到飛埋通常較硬嘅麵包邊👍🏻 沙律🥗有好多款切粒蔬果, 蘿蔔, 青瓜, 薯仔, 菠蘿🍍統統有齊, 面頭肉鬆超級提味😋 泰皇鹵水雞脾配特式沙律 脆炸旋風薯角（HKD39）薯角好大塊呢！！！鹵水雞脾🍗入味又上色啖啖肉😋個碟都幾大, 鋪滿哂沙律雞脾薯角👍🏻當然要加返個蕃茄濃湯通粉啦🍅🍅🍅只係加HKD9仲要大大碗勁多火腿&通粉🤩抵食！

雖然商場餐廳來說價錢真的不太貴，但真的不好吃，叫咗個菠蘿炒飯，金不換炒河，淡而無味，求求其其，寧願去吃茶餐廳的炒河炒飯，更好吃還比較便宜。只能說 泰巷 真係太「巷」了...

見呢間泰巷都冇人排隊，兩個人食飯其實等位都唔會太耐。一坐低就要快速點餐。餐牌設計得好特別，好似一份報紙，因為太似報紙，有好多油漬。小食選擇了燒沙嗲雞肉串，除了有雞肉串仲有兩件春卷，加埋沙嗲醬同甜酸醬配搭很好！春卷很脆，炸得好金黃，雞肉冇雪味值得一讚！兩個人叫2人餐。因為朋友唔食辣，只可以叫海參露筍南瓜羮。唔可以太有期望係海參兩個字入面，當係普通南瓜羮不錯，濃度不錯。鹽燒爐魚有一層厚厚既鹽包住條魚，急不及待開咗條魚食。有少少美中不足，食到鹹味之餘仲未食到泥味。炒飯就唔特別介紹，有幾隻蝦炒。有兩杯特飲。海鹽珍多冰同泰式青檸薄荷桅梳打。珍多冰本來係甜但加咗海鹽既鹹好特別。

又一日放食飯唔知食乜好 所以同同事求其走咗去荃新天地食泰國嘢佢個menu都幾豐富除咗船河粉之外，仲有泰式炒飯 同海南雞飯嗰啲我就叫咗個豬頸肉船河粉，配泰式凍奶茶佢玩船河粉都幾大碗，而且好多豬頸肉，唔似出面食泰式越式嗰啲餐廳咁，得嗰幾塊肉佢個河粉底都幾好食，夠曬薄身同滑 最值得讚嘅係佢個湯底好濃郁，雖然飲唔出係乜嘢味道，但都幾貼近泰國正宗嘅船粉 而佢杯凍奶茶飲得出真係用泰國嗰隻錫蘭紅茶沖嘅 所以味道同港式好唔同好得意呀！