紅樹林餐廳 (已結業)

我係大埔人，返學日子好多時都會在新達食lunch~考試期間早放，我同一個朋友去紅樹林食野。但因為當日我地2個女仔都唔係好肚餓，費事叫2個餐又食剩好多野咁浪費，於是share一個餐。入去時，個部長明明同同我地講:『學生有優惠架﹗』但當食到中途，個部長走來寫餐飲時，佢見我地只係叫左一個餐，即刻態度好差咁講：『你地2個人食一個餐，要加返$4，付原價啊﹗』聽到佢咁講，我同朋友都有d愕然，就話:『我地落order時冇話比我地知既?』然後個部長重覆一次之前既話，就野飲都冇寫就面黑黑咁行開左。喂，我地雖然係學生冇咩錢，仲要share一個餐，但多幾蚊都唔會比唔起掛??唔洗用d咁既面口對住我地啊~自此認定紅樹林係服務極差的餐廳!