波羅密素食 (已結業)

今天同朋友慶祝生日，但今天是十五齋期，部份朋友今天食齋，就相約好多人推介既菠蘿蜜素食，去到請服務人員幫手將蛋糕儲存於雪櫃，服務人員已表明需付一百元切餅費，我們都表示冇問題，食物味道尚可，到要食蛋糕時間，她們取出蛋糕放枱上，一見到個蛋糕上下二層分離，大家都o哂咀，問個服務員系咪打直放，佢話唔系仲話系我地問題⋯⋯後來我問邊位系負責人，佢一直企向度冇出聲，直到我行埋佢身邊問邊位系負責人，佢先認，問佢咁情況如何處理，負責人堅持要收一百元切餅費，大家心情已被破壞，我返埋位坐，但心有不甘走去收銀處同佢講，佢仲堅持要收，態度堅持佢地冇錯，但又唔咁講話系我地錯，仲話未曾出現過如斯狀況，我好客氣咁同佢講，就系朋友推介先會去食，但表示佢地冇責任，但又唔咁講系我地錯，我地亦有責任，最後好不情願地話收一半切餅費，對唔住一聲都冇，其實如果一開始見蛋糕走樣，負責人出黎講句對唔住道歉一句，就算照收切餅費，我地都冇咁嬲，如有誠意取消埋切餅費，咁先系做生意，食物質素故然系一家店是否令客人回頭，服務質素如此，希望經營者三思能否持久經營