麻布茶房 (已結業)

星期日晚7時多不用等位都知不是好野喇..... o個個心口掛個閃牌o既waitress不單止無笑容、無禮貌，落單落到錯左一半。我地一行四人只係order左四個餐，其中一個order左個豚肉蕃茄湯烏冬，一送到見個樣好似幾好，點知食左一陣都搵唔到豚肉，只見到蝦及蛋，後來再check下個menu就發現根本就比錯左，問個waitress又好似聽唔明，跟住叫個看似senior d o既男子黎都要解釋一輪先肯換。故事並未完結，本人order左一個set有蕃茄湯、薯蓉(前菜)、雞飯及甜品，當其他三人o既餐都到左，我o既湯及前菜都未黎個飯就到左，我問送餐o既哥哥：「我呢個係set，仲有個蕃茄湯及前菜未到」，點知哥哥話：「我地係日本餐廳，湯及前菜係唔會分開上」 我問緊仲未到o既野wor，問d waitress結果又要解釋一輪，莫非佢地唔識check record？以後都唔會去，佢地影衰哂日本正牌o個間，我去過東京o個間，人地o既服務及食物質素都好好！呢間真係唔得lor！