炑八韓烤 (MegaBox) (已結業)

幫襯左好耐既炑八，一家三口有幾個月冇黎。今日5月4日去食午餐，去到九龍灣嗰間，一去到，有位，不過我哋坐低左，就聞到一陣臭味，要求換枱，服務員都換咗比我地，咁開始點餐，其間發覺餐具好污糟，換咗2次，先比較乾淨，點完餐，佢地例牌放每人一份調味醬料，但係我哋3個人，佢比左2份，我同服務員講左3次欠左一份調味醬料，都冇人拎比我，最後一次有個好似比較高級少少既服務員，我話我講左3次都冇人拎份調味醬料，佢即刻用一D好串既語氣係我哋面前大大聲同其他服務員講，喂，呢張枱爭份調味料呀，人哋追左3次喎，唉！依家D靚做野係咁，（我想講，呢位睇落高級少少既服務員，其實佢D態度都好差）佢其實好似串緊我多D，之後我哋食飽就走，以前黎炑八，都覺得幾好食，依家食物質素唔係太好，不過見食午餐唔係好貴，所以都覺得可以接受，但係今次黎，真係覺得D服務態度唔得，希望有待改善！