金記冰室 (都會駅) (已結業)

其實茶記食物大家都差唔多，最緊要出餐快因為大多食茶餐廳都係趕時間，同埋收得咁嘅價錢，呢間金記嘅服務水平真係低！叫個午餐15分鐘未見影，叫咗姐姐追兩次淨係得喇得喇，又唔係人多，差唔多兩點等咗半個鐘，連下午茶都出都未見影！真係要趕返工叫佢同我取消張單，佢仲叫我等多一分鐘，我話真係趕時間叫佢轉外賣，個亞姐仲嘆慢板慢慢來，真係痴晒線！D亞姐全部懶洋洋唔想郁咁，呢間嘢真係超垃圾，請著呢啲伙記真係倒米，下次真係咪攪！