扒王之王 (已結業)

今日同女朋友諗住食下扒,咁就試下食下扒王之王啦,佢就食過,我就第一次食,點知就發生以下之不幸事件:首先一開始入門口,個經理0係铺頭最入行出黎比D唔太清楚0既指示,咁跟住我地一路叫野食同埋上餐0個兩個女侍應都無問題....直到我女朋友叫個男侍應話餐飲係兩杯凍柑桔蜜,佢自己都覆左兩杯柑桔蜜,跟住問有無其他野需要,之後我地都話無。之後佢只上左一杯柑桔蜜,我地就話我地係要兩杯,佢就去問經理,跟住佢就返黎話有一個餐無包,要加七蚊,我地就同佢講根本就無理加唔加錢,加上我地0係餐牌都見到話要加七蚊,而係order兩杯只上一杯0既問題。佢竟然話我地無講清楚,我地咪話唔清楚就問清楚,跟住佢當住成間餐廳0既客話而家咪問左囉,個經理聽到先走埋黎問,仲要個經理個樣都唔奈煩咁...之後理論一番之後都係無作用,所以都懶得同個經理講,最好笑係個男侍應叫佢個廚房朋友出黎樓面"bear"住我地兩個囉...好似想點人相咁囉...所以本人一定一定以後都唔會食扒王之王囉.... 各位要食0既就睇妳好唔好彩喇...