麻布茶房 (已結業)

正如之前有其他食家投訴呢間餐廳既服務態度，我對佢既印象一直麻麻，唯一令我再來既原因係食物質素。尋日約左同事同個客食晚飯，我一諗就揀左呢間。入座時已事先提我地限時個半鐘，都擔心唔夠時間傾野。我地三個人食點左︰芝麻醬鮮蝦冷麵麻布什錦燒烏龍麵茶房風咖哩牛柳蛋包飯熱拿鐵咖啡Total: $257 (連加一)抵食既，頭兩樣都係我每次必點，值得推介。尤其芝麻醬鮮蝦冷麵，我通常都會要求另外要一兜麻醫，因為會好食好多。上次來食，我總共叫左三次先有人拎過來，火都來埋。今次好好多喇，個男侍應好快就拎俾我，令我好滿意。而呢度D女侍應一向都態度唔好，口黑面黑，好唔想招呼你咁既態度，有時我仲好禮貌過佢地。今次我遇到果一兩個都唔錯，有禮貌，會講多謝。到差唔多個半鐘，有人走埋來remind同問仲有無其他野要。隔左陣有人問我地介唔介意掉檯，因為佢地想分開我地坐緊果兩張檯，咁我都叫埋單走人，之後再去樓下Starbucks繼續傾。總括來講，今次我都食得幾滿意，保持到食物質素，下次都會再來。