影片
更多
2021-11-21
49 瀏覽
其實生意難做都盡量唔想寫衰啲食肆，但服務水準俾足機會黎講，都仲有問題，希望講出黎個老闆可以睇到改善下。先講野食。中價黎講，不過不失，就算個拖羅勁多筋，我都俾合格佢。就算個蟹粥唔夠鮮甜，但呢啲價位我都合埋眼算數啦。服務呢，就真係有待改善勒。我lunch hour 去食，冇叫set,四個人散叫左千幾廿千蚊野，茶都冇杯。因為佢話set lunch先可以送茶🤦🏻♀️咁夜晚黎食散叫又唔通冇茶送？答案係有架喎。咁交涉左幾次先肯送杯水。但食日本野冇茶又太奇怪，焗住俾錢$20一位叫茶飲。落曬單勒，結果黎曬的熟食先，刺身最後先黎。杯茶飲曬/凍曬先黎剌身真係唔該曬。不過睇在佢可能lunch做唔切都算勒。想叫佢加茶，但原黎廿蚊只係俾一杯價錢，想加就再俾錢。呢下真係有的嬲。叫到經理先話唔好意思free 番杯茶。唉，咁個心諗住佢可能lunch先serve 得差，所以隔日就夜晚再去俾多次機會佢。話曬觀塘唔多居酒屋。咁去到已經以為自己好醒，問定佢的拖羅係咪一定多筋，咁如果係我就唔叫呀嘛。佢的侍應問完師傅話上次咁啱啫。今晚唔會有筋。咁咪叫囉，結果？一樣咁大條筋，但師傅好醒地𠝹左幾刀，可能以為個客咁就食唔到有筋？其實佢
先講野食。中價黎講，不過不失，就算個拖羅勁多筋，我都俾合格佢。就算個蟹粥唔夠鮮甜，但呢啲價位我都合埋眼算數啦。
服務呢，就真係有待改善勒。
我lunch hour 去食，冇叫set,四個人散叫左千幾廿千蚊野，茶都冇杯。因為佢話set lunch先可以送茶🤦🏻♀️咁夜晚黎食散叫又唔通冇茶送？答案係有架喎。咁交涉左幾次先肯送杯水。但食日本野冇茶又太奇怪，焗住俾錢$20一位叫茶飲。
落曬單勒，結果黎曬的熟食先，刺身最後先黎。杯茶飲曬/凍曬先黎剌身真係唔該曬。不過睇在佢可能lunch做唔切都算勒。想叫佢加茶，但原黎廿蚊只係俾一杯價錢，想加就再俾錢。呢下真係有的嬲。叫到經理先話唔好意思free 番杯茶。
唉，咁個心諗住佢可能lunch先serve 得差，所以隔日就夜晚再去俾多次機會佢。話曬觀塘唔多居酒屋。
咁去到已經以為自己好醒，問定佢的拖羅係咪一定多筋，咁如果係我就唔叫呀嘛。佢的侍應問完師傅話上次咁啱啫。今晚唔會有筋。咁咪叫囉，結果？一樣咁大條筋，但師傅好醒地𠝹左幾刀，可能以為個客咁就食唔到有筋？其實佢係咪搞笑？
汲取呢間野鍾意出曬的熱食既經驗，我叫左生野先，諗住晏啲先叫熱野，點知有位侍應走黎話「我地啲串燒都好食喎！唔試下？」咁我就話佢知驚佢一叫就起，點知佢即刻話「唔會咁安排架喎！可能lunch多客做唔切啫！」 ok, fine,見你得三枱客，咁我照落串燒啦。喂！五分鐘！的串燒開始黎，差不多食完，的壽司🍣先出現。問佢點解啦「我地唔同部門所以係咁出野架！」
點先？我所有野都事先問過你，都俾啲咁既野我想點先？理論完的侍應黑面，黑過我塊面。
師傅走出黎俾個九折我，但真係背脊骨落。好後悔俾多次機會佢。
老細，的野食ok，點解要因為咁差既服務水準葬送生意？
張貼