Jimmy's Kitchen (已結業)

十月某夜。首選德國野，俾人包左場，只好轉移陣地，幫襯呢間老字號。唔知點解，都好full下，得返吧枱呢邊，吧枱就吧枱啦。先飲野，是日唔要紅白酒，要啤酒，Kilkenny 未飲過，試下，泡幾滑下，味淡淡的。友人要洋蔥湯，小試一口，甜甜地，很足料。我的忌廉湯，普通，夠Creamy。三個人三個main，意粉，雞同埋DA扒。意粉係魚闊麵，魚用上好貨色，加埋個醬夠哂開胃，意粉食落煙煙韌韌，很不錯。雞，乾了點，食落無咩汁，不算太特別。DA扒，配上牛油，烤味幾香，帶點肥，食落幾多肉汁下，牛味幾強，少食DA扒，唔太識，繼續周圍食，試下唔同既扒。仲有Side Dishes，個人喜好，純粹分享下圖片。這裡最滿意的係服務，三個人，每樣野都分好三件或者六件，經常三人食飯，呢類安排好明顯，最明顯係魚闊麵，d魚都係分三份，唔會唔夠分又或者有多，這種細心，很好。