影片
更多
2005-08-08
5 瀏覽
星期日無0野做，扮0下孝順女同亞爸亞媽去Pizza Hut食Tea，點知等得咁上下變0左食晚飯∼最後決定要一個$185蚊0既Set，包括有...蘑菇忌廉湯﹣好味！！就算係罐頭湯，都係一罐有品質保証0既罐頭。雜菜湯﹣唔知係咪先飲0左忌廉湯，再飲啖雜菜湯就變0左無味囉∼薄燒鰻魚芝心批﹣加$8轉做芝心批，Pizza Hut出0左咁多期新0野，今次算叫做爭返啖氣。整體成個pizza係中上水準，但如果鰻魚0既份量多Ｄ會好Ｄ，以事論事，一個pizza切開6件，居然有2件係無鰻魚覆蓋0係上面。搞到個pizza好小家咁...日式照燒雞扒飯﹣除0左Ｄ飯爛Ｄ之外，都係好食0既∼忌廉層層疊泡芙﹣本來無乜期望，點知又會咁好食，但奇怪0既係點解我食食下鹹0野，無啦啦上杯甜品俾我？？食0野唔知道要有次序架咩？？凍咖啡﹣一睇就知整好0左15分鐘以上都無人拎出0黎，皆因我睇到Ｄ冰溶0左，0係杯頂形成一浸冰水斷層，好地地一杯啡變0左淡水，可惜...熱檸茶﹣好似high tea格局，有台型，但無水準。總括0黎講，食物唔算係咩大問題，但一個咁有規模0既飲食集團，無理由唔知道人客0黎到除0左係食0野外，仲係享受緊顧客服務。我
蘑菇忌廉湯﹣好味！！就算係罐頭湯，都係一罐有品質保証0既罐頭。
雜菜湯﹣唔知係咪先飲0左忌廉湯，再飲啖雜菜湯就變0左無味囉∼
薄燒鰻魚芝心批﹣加$8轉做芝心批，Pizza Hut出0左咁多期新0野，今次算叫做爭返啖氣。整體成個pizza係中上水準，但如果鰻魚0既份量多Ｄ會好Ｄ，以事論事，一個pizza切開6件，居然有2件係無鰻魚覆蓋0係上面。搞到個pizza好小家咁...
日式照燒雞扒飯﹣除0左Ｄ飯爛Ｄ之外，都係好食0既∼
忌廉層層疊泡芙﹣本來無乜期望，點知又會咁好食，但奇怪0既係點解我食食下鹹0野，無啦啦上杯甜品俾我？？食0野唔知道要有次序架咩？？
凍咖啡﹣一睇就知整好0左15分鐘以上都無人拎出0黎，皆因我睇到Ｄ冰溶0左，0係杯頂形成一浸冰水斷層，好地地一杯啡變0左淡水，可惜...
熱檸茶﹣好似high tea格局，有台型，但無水準。
總括0黎講，食物唔算係咩大問題，但一個咁有規模0既飲食集團，無理由唔知道人客0黎到除0左係食0野外，仲係享受緊顧客服務。我地3個人坐低0左成15分鐘，好歹都俾3杯水先，唔黎唔緊要∼唔好我嗌都唔應！！叫0左5個人次以上先落到order，等0左一段時間都未有食物上，我再問，個姐姐就無乜氣咁話我落0左order只係10分鐘（佢好強調「只係10分鐘」5個字），所以就點點點點點（下刪數萬字...）。我問介唔介意先上0左兩個湯同飲品，佢唯有不情不願咁照做。大佬∼湯你唔係勁到有得即叫即整？？擺明煮好晒0係度架啦，實在要等幾多分鐘上碗湯俾我先算合理時間？上兩碗湯，唔俾湯羹，跟住上個飯，又唔俾匙羹...我問人拎食具問到我都懷疑自己係咪好麻煩。0岩0岩飲完個湯收碗，另一個waitress又上兩碗湯0黎...我當堂O咀∼如果係忙得咁淒涼，咁食緊pizza上甜品又所為何事？？上咖啡就漏熱檸茶，要催先有得飲...咁樣做野法，點好食都係假，我0地諗係咪因為暑假請暑期工先會咁樣...
張貼
