板長壽司 (已結業)

講到食迴轉SUSHI其實香港最COMMON都係果幾間。今次行開灣仔咪走去食。首先, 排隊是常識吧。入到去就勁啦, 我睇住佢就咁拎D放到涼左既茶俾我, 茶未到枱我就叫佢俾過杯熱既俾我地, 跟住佢話好之後就做佢另外既工作, 過左成7分鐘先記番起攞俾我地, 我特燈唔提佢就係為左睇佢究竟記唔記得。講番野食。野食尼就唔差既。珍寶帆立貝幾好, 鮮味之餘有彈性。三文魚也不錯, 脂肪分佈夠均勻。火灸鰻魚壽司我覺得係最好食, 真係燒出到鰻魚應有既香味, 鰻魚入口即溶。天婦羅就麻麻, 我唔多吃到入面有味, 得炸味。魚頭就同出面放題一樣, 就咁燒完算, 無特別, 但身為sushi店我覺得尼種味唔可以接受。