Shine (已結業)

好多人都鍾意揀星期五放工後出街晚飯， 搵個地方Chill下 、Relax下。 今次揀咗位於尖沙咀嘅"Shine", 地點方便， 喺K11過一個街口就係喇。 入到餐廳，服務員幫我哋安排咗窗口位， 梳化夠大坐得好舒服， 一邊望住街景， 一邊聽著輕快嘅音樂， 心情即刻輕鬆曬! 佢仲為我們細心介紹食物， 最後決定叫煙鴨胸無花果沙律、 黑松露薯條、 西班牙蒜味蝦配多士、 香辣椰汁燴藍青口同埋燒安格斯肉眼扒。 因為食物份量唔算細， 我哋三個女仔食真係夠曬。 佢個煙鴨胸做得幾嫩滑， 味道和厚度適中 ; 蝦多士嘅蝦又多又新鮮， 蒜香味濃； 青口用咗椰汁做， 有少少辣味， 味道幾特別，食得開胃。 我嘅朋友手提電話冇電， 佢哋仲提供埋叉電器， 服務細心，讚！