TC Bistro

營業中

休息中

好耐冇見嘅朋友約食飯，佢喺新蒲崗做嘢，佢提議去呢間TC Bistro, 仲話一定要試呢度嘅威靈頓牛柳，要預早一日訂先至有得食架，所以朋友book位嘅時候已經訂左一客。我哋book左7點，早到左15分鐘，可能因為時間尚早，只有一兩枱客人，服務員很細心，可能佢見到我着好多衫，又攞住紙巾抹鼻涕，知道我唔係好舒服，就問我需唔需要換一杯熱水，非常窩心。除咗威靈頓牛柳，我哋仲叫咗牛油果帶子沙律，龍蝦湯，帶子天使麵，焦糖燉蛋。朋友推介嘅威靈頓牛柳真係冇得頂，好好味，牛柳好淋又有牛肉味，又唔會太生，強烈推介。牛油果帶子沙律好清新好新鮮，龍蝦湯濃度啱啱好，飲完唔會好口乾，證明唔係味精煮成嘅湯。帶子天使麵有一陣陣椰子油嘅香味，唔知係咪落咗椰子油呢？呢種香味我好鍾意呀！最後呈上嘅焦糖燉蛋，細心嘅服務員提醒我哋小心個邊會好熱，焦糖燉蛋好滑，甜度適中，為呢一餐晚餐畫上左完美嘅句號。