水木日本料理 (已搬遷) 新店位置

一行四人又開飯局會議。友人醒目訂定「水木日本料理」！入座後店員非常熱情，會主動介紹菜式，並且講解煮法同食法，服務貼心。前菜枝豆、酒盜芝士、 雞泡魚乾, 作為佐酒小食一流！呢度有每日限定菜式，必推東星班天婦羅。唔係日日有架！東星斑炸得火喉剛好，外脆內軟，肉質保持嫩滑，配上少量嘅蘿蔔蓉，有助解膩清熱。店員又特別推介𩶘魚湯，加入少量嘅䓤花帶出𩶘魚鮮甜。稻庭烏冬滑不溜口, 凍食應該會更加彈牙。最後店員為我們送上特製甜品~京東抹茶布丁，質感與別不同！濃郁抹茶香氣配上軟嫩嘅布丁，再加上綿密紅豆點綴，讓人愛不釋口。