漁樂 (禾輋廣場) (已結業)

同家姐行街肚餓就住食壽司點知多人又唔想等行過見到漁樂食星，馬，泰，越菜就走咗入去試下，夜晚八點居然有位，就即刻行入去坐低見到個服務員叫另外位同事攞餐具比我地，點知果位服務員答有餐牌，我聽完呆咗我地兩個人得一套餐具點樣用餐呢？之後搞咗一陣個阿姐攞碗，筷子放係枱墊紙放一半就得咗去。我個人覺得點解可以咁樣放啲餐具一啲都唔專業，我地叫咗一個海南雞飯，一個冬陰功魚片頭金邊粉，我個金邊粉先到之後等咗五分鐘個海南雞飯都未到，咁我地追單個服務員問完我地叫咗咩之後再睇單佢的反應話我知應該係漏單因為睇完單唔夠一分鐘個餐就到，但阿姐放低個飯有一半係未掂到枱但個人就行開咗……嘢食放面個冬陰功魚片金邊粉係好食多而海南雞飯啲飯好硬鷄普通，但最重要係服務的態度就好差尤其係上咗年紀果兩個阿姐話嘢無尾音又鐘意企係度吹水，下次如果真係好肥餓我諗我先會嚟因為唔洗等位。