SeaFront (已結業)

間餐廳野食算係好平，呢個應該係佢都幾多人幫襯O既原因，但係如果你係唔係鬼佬，又或者同人慶祝，咁我建議大家去其他餐廳會好D。我叫左個SET DINNER, 杯餐茶10分鐘到，個餐湯20鐘先到。到第30 分鐘，個MAIN都未黎。搵個待應黎叫佢跟下D野食，佢話:"我地係咁個囉喎，順次序出野食，你等下啦!" 咁樣就無理我地行開左。咁我諗可能都係一個半個waitress 係咁o者。搵個男o既睇下又點，點知個男o既仲搞笑，話: "我地個main係等你地個湯出左先左入單做，係會耐d嫁啦。" 勁奇怪，第一次聽到餐廳咁做, 無論如何佢都係洒我地嫁啦。無計，鬼叫女朋友生日，無同佢嘈，唯有繼續等。之後相繼見到遲過我地入坐o既客人都有野食，我地都未有。到第45分鐘，d野食先至黎哂。pizza唔算係美味, 一般水準而已。有d後悔無過隔離間pizzaexpress。至於闊條面，水汪汪又唔夠面，唔ok。之前見到有d post 話間野服務態度麻麻，黎睇未有改善。