影片
更多
2013-07-06
171 瀏覽
本身諗住去食新之城斜對面對面好大個牌個間，但星期五晚7點幾去到，俾個態度勁差既帶位質左句 "梗係要等位啦，要等36張！"。心諗， 都係問句你洗唔洗等位姐，拎張等位紙竟然要行樓梯上1樓 ？！咁你企係度做咩？嬲嬲地諗住食第2間。點知行到去旺中個邊，竟然俾我地發現仲有一間風月堂 ，行上去拎張飛，雖然第2張2人台就係我地，但都等左成3至4個字，等到8點半先有位，餓死人喇 。等位既地方通風系統有啲唔好，依家三十幾度，又熱又焗 ，仲要行完兩層樓梯，真係好辛苦，又得2張椅。服務真好 ，我地係第2張2人台，一去到就問我地介唔介意坐bar台 ，如果想可以加多2個位就即刻有位，我地諗住坐得舒服d就無要到。成間餐廳環境好大 ，有好多書架做裝飾，好特別，d書真係可以借黎睇 。最唔好既就係們廚房，切開左成間餐廳，連邊邊係正門都唔係太清楚 。叫左特色雜錦三文治 同煙三文魚蟹子意粉 ，落單時問左個意粉可唔可以轉做扁意粉，見個待應用對講機問完又入廚房問，等左一陣終於話ok 。好開心咁好快有野食，點知上既係意粉，我地問點解，有個經理既物體就話其實係無得轉 ，個新黎既同事搞錯左，心諗唔通個新
等位既地方通風系統有啲唔好，依家三十幾度，又熱又焗 ，仲要行完兩層樓梯，真係好辛苦，又得2張椅。服務真好 ，我地係第2張2人台，一去到就問我地介唔介意坐bar台 ，如果想可以加多2個位就即刻有位，我地諗住坐得舒服d就無要到。
成間餐廳環境好大 ，有好多書架做裝飾，好特別，d書真係可以借黎睇 。最唔好既就係們廚房，切開左成間餐廳，連邊邊係正門都唔係太清楚 。
叫左特色雜錦三文治 同煙三文魚蟹子意粉 ，落單時問左個意粉可唔可以轉做扁意粉，見個待應用對講機問完又入廚房問，等左一陣終於話ok 。好開心咁好快有野食，點知上既係意粉，我地問點解，有個經理既物體就話其實係無得轉 ，個新黎既同事搞錯左，心諗唔通個新黎既同事問另一個新黎既同事再問一個新黎既廚師 ？！講左一陣先肯換返俾我。其他服務都做得好好，會主動加熱水俾我地。
三文魚蟹子扁意粉 終於到左，個樣好靚，陣味似Carbonara，好香好吸引 ！味道唔重，白汁量剛剛好，扁意粉無煙un 既感覺，同普通意粉差唔多。邊食邊有蟹子爆炸既感覺好夾好開心！好味！三文魚無搶左白汁既味道，剛剛好 ！
特色雜錦三文治 ，其實係一塊脆脆既包，上面放上一塊紫色既椰菜再加上肉，包括有:煙三文魚，雞肉加沙律醬，蝦同鴨胸。仲有加上小小如果我無估錯應該係熱情果汁，感覺好 fresh 好岩夏天食 ！仲配上一小碗薯條，食完都真係幾飽！總括黎講，一百分有88，呢間服務真係好過別一間好多！一定有下次！
張貼
