鍾菜館

營業中

休息中

今次係第二次嚟飲茶，唔知係咪年初八關係入坐前說明要個半鐘交枱。知道要個半鐘交枱入坐即刻點嘢食，今日叫咗啲點心，另外叫咗兩樣新年特別出嘅家肥屋潤(乾炒牛河)，同橫財就手(豬手)。點心正常無事，碟乾炒牛河就出出地乾，唔熱嘅，味道偏甜。豬手就係正常一舊分4舊。不過今次最不快經驗就係鳳爪漏單，鍾菜館本身係自助式，點餐加水冲茶不經人手，可能因為咁原因所以服務員好少對客人。漏單後終於要離枱去搵人問，回覆話廚房無單如果要嘅話依家落單要20分鐘。我話我有落單係廚房唔見單唔係我問題，咁我堅持等，我交唔到枱俾你唔關我事，服務員就好唔高興或者我誤會佢表情。蒸一碟鳳爪要20分鐘，我計過時佢地真係20分鐘多少少攞出嚟。