雲長小龍坎老火鍋 (已結業)

嬲到我第一次打食評！！我前兩日同朋友喺尖沙咀舖下午打邊爐，啲員工收檯面啲剩碟，將啲生肉水倒晒落我個新買有牌子的手袋度！！好唔小心！你地都知啲生肉碟實有水架啦！點解可以咁唔小心！！我地仲有bb, 好彩無整到bb!! 之後個員工只攞咗張濕紙巾嚟比我抹，唔覺有歉意！！另外，完全無服務質素！成日搵唔到員工！原來佢哋坐埋一檯傾計！！要你主動起身叫佢哋！出面其實仲有幾檯人！最後，明明四大兩細，竟然收我地6個人茶錢！！好過份！我試過喺Facebook 向佢哋投訴，但完全沒有獲得回覆，所以先上嚟openrice 分享！大家想食到一肚氣就去啦！