影片
更多
2017-02-19
1266 瀏覽
同屋企人去飲茶, 入到去無人帶, 我地等咗陣, 果位帶位嘅小姐黑口黑面"之之油油"咁行出嚟, 帶我地入去, 由門口到張枱位置, 喺呢短短路程呢位帶位小姐負氣到極點, 佢表情, 動作, 態度完完全全表達出厭惡, 我地一家大細除咗同佢講咗一句5位之外就乜都無講過嘢, 完全唔知佢咩事??? 叫完嘢食無幾耐喺酒樓撞到朋友一家6口, 朋友啱啱入嚟未有位想一齊坐, 咁啱就叫正果位帶位嘅小姐, 同佢講問佢可以幫我地轉過張大枱, 果位帶位小姐即刻好大聲鬧我地, 鬧我地之前同佢講5位, 依家要11人大枱, 唔俾轉 (當時酒樓有一大半枱完全無客坐, 得4成客人), 嘩! 唔俾轉枱, 咪另外俾過張6人枱我朋友坐咪得, 唔需要咁嘅態度呀?! 佢大聲到附近幾圍枱嘅客都聽到! 明明諗住息事寧人, 但果位帶位小姐不停咁鬧, 朋友都忍唔住鬧番佢, 我地嚟飲餐茶啫, 又無得罪過果位帶位小姐, 點解要用啲咁嘅態度對啲客呢?
張貼