秋櫻屋 (已結業)

今日要去西灣河見牙醫，所以約咗個女係太古城食完lunch先去。係康怡商場是旦搵一間。就搵咗一間叫"秋櫻"。個女12：55去到攞飛。我13：05去到。見到都有10人之內等緊位。但我行到餐廳門口，望入去見到有好多張枱沒人坐的。目測係夠晒出面等位的人。但最後都要等到1：30才可入座。原因就係叫飛職員同時做埋落單/執枱……等等（其他人只顧行行企企）。仲要叫完一張枱入座。相隔起碼3~5分鐘再叫另一張枱。（重申不是沒有枱的）最後我忍唔住問職員可唔可以一次過叫2張飛一齊入座。回覆是“唔可以，因為怕亂”（試問只係一次叫2張枱客入座。會有幾亂呢？!）。職員完全唔識做嘢轉灣及睇環境做嘢。到入座叫嘢食。叫咗3次都係等等。終於等到。我地叫咗2個午其實餐廳食物真係唔差，仲幾好食。但職員這種服務。我係唔會再去。到最後埋單。放低就行咗去。係唔會自勳返轉頭收錢。叫極冇人應。唯有摷晒足足$176。仲要自己攞埋出去比佢地。費事勞煩職員行過嚟之後又要等找錢。