玖五牛肉麵 (已結業)

完全係明星效應。Mr. C 話要去何家小姐間餐廳。我問，你知食乜嗎？唔知啊，不過何家最索千金超蓮BB開，一定要幫襯！上網想睇下點解呢度叫玖五，原來係何小姐將台灣好出名，已經有56年歷史既「玖五牛肉麵」引到香港！好啦，反正咁出名既台灣麵我都想試下。星期五夜晚，竟然冇人排隊？正。即刻入去！坐低咗諗食咩。其中一個女侍應好好，走過來介紹話呢度所有野食都冇味精。哦，好健康！麻辣牛肚麵 $88唔知點解嗰日MrC興起食牛肚。佢個湯麻辣得黎又唔係好辣。我食都接受到。牛肚爽而有嚼頭，而且好入味。MrC 揀咗硬麵。麵質厚實，好有嚼感。牛肉伴麵 $78我呢日想食比較乾身既拌麵，而我都點咗硬麵。我覺得硬麵有點似日本沾麵嗰隻麵。麵身粗而扁身，柔韌有致。麵底下有哋紅燒牛骨湯，香濃而不溜，非常惹味。但係，唔知點解，好似爭緊啲嘢。好似好單調。又或者，牛肉麵俾得呢個價錢，我期望太高？我問MrC 有咩感覺，佢同我一樣，有種講唔出既感覺。只可以用，未滿足到我哋。可能因為差隻滷蛋？酸菜？我覺得下次可以俾多次機會，希望會satisfy啲啦！