海底撈火鍋 (金巴利道)

營業中

休息中

之前去開油麻地分店，通常都要排好耐隊先有得食，今次嚟到尖沙咀店，特登早啲嚟，人唔算太多。好快服務員就舉着女神這邊請嘅牌，帶我地去個位。真係令人有啲唔好意思，哈哈。一如以往，海底撈就係主打服務非常非常好。今次都唔例外。負責我哋枱嘅侍應姐姐好熱心介紹，仲提我地點樣嗌會啱兩個人食多啲。因為呢排成日病，所以我哋冇食辣，反而第一次試菇味嘅湯底，菇味真係好濃！不得不提，個人來講，去海底撈一定捱海蝦，因為次次佢啲蝦都係非常新鮮，而且服務員仲會幫你剝埋殼。另外我最鍾意食荀。席間仲有隔離嘅拉麵表演睇，同埋有個變臉表演，好搞笑。我哋俾人由頭照顧到尾，食飽飽就埋單走啦。