影片
更多
2008-08-27
41 瀏覽
我係長沙灣人，譚仔真係由細食到大，睇住佢由一間慢慢開分店到SSP之後到其他地區，我都覺得好高興。但係真係認唔住要投訢一下，我主要去長沙灣兩間分店，啲阿姐嘅服務真係差得好緊要，幾乎次次去都要受氣...有一次試過碗米線黎到先發現原來阿姐落錯左單，咁同阿姐講，阿姐就好似審犯咁，係咁話張單冇寫喎係唔係我落單時無叫到，佢完全無意換過碗之餘，仲講到好似我講大話咁，糾纏左成兩三分鐘，阿姐先肯換，仲要態度好差。講真我都係黎食餐飯啫，如果一開始態度好啲，我真係唔會計較要左碗面。又試過有次繁忙時間，個阿姐拎住成盤大約十杯野飲，佢行過擺低左一杯之後拎起個盤，點知跣手倒晒落我隔離個男仔到，個男仔成身濕晒。我都明白繁忙時間係好忙，但係都唔駛好似打仗咁一味衝衝衝，如果真係應付唔黎嘅，一係就請多啲人，一係就唔好咁多客。講真而家好多時都好迫，食米線嘅時候都要就住就住怕篤到隔籬位，根本上間舖就容納唔到咁多客，硬要做咁多生意只會令客人有更多抱怨!尋日去食又係咁，冇要辣就俾個小辣我，咁又係同阿姐講喇，呢個阿姐check下張單之後就話落單嘅時候錯左，咁ok換過碗，我以為唔會好似上次咁，點知落單個阿姐即刻走埋黎聲大夾惡話我落單
但係真係認唔住要投訢一下，我主要去長沙灣兩間分店，啲阿姐嘅服務真係差得好緊要，幾乎次次去都要受氣...有一次試過碗米線黎到先發現原來阿姐落錯左單，咁同阿姐講，阿姐就好似審犯咁，係咁話張單冇寫喎係唔係我落單時無叫到，佢完全無意換過碗之餘，仲講到好似我講大話咁，糾纏左成兩三分鐘，阿姐先肯換，仲要態度好差。講真我都係黎食餐飯啫，如果一開始態度好啲，我真係唔會計較要左碗面。
又試過有次繁忙時間，個阿姐拎住成盤大約十杯野飲，佢行過擺低左一杯之後拎起個盤，點知跣手倒晒落我隔離個男仔到，個男仔成身濕晒。我都明白繁忙時間係好忙，但係都唔駛好似打仗咁一味衝衝衝，如果真係應付唔黎嘅，一係就請多啲人，一係就唔好咁多客。講真而家好多時都好迫，食米線嘅時候都要就住就住怕篤到隔籬位，根本上間舖就容納唔到咁多客，硬要做咁多生意只會令客人有更多抱怨!
尋日去食又係咁，冇要辣就俾個小辣我，咁又係同阿姐講喇，呢個阿姐check下張單之後就話落單嘅時候錯左，咁ok換過碗，我以為唔會好似上次咁，點知落單個阿姐即刻走埋黎聲大夾惡話我落單時候冇講清楚云云。唉，我都明白每個人都覺得自己無錯係人地錯晒，所以我都冇同佢拗，因為我自己無check單都要付上責任...但係坦白講，就算我真係嗌錯左，唔通你可以唔換過碗比我? 既然係唔係都要換，咁又何必計較邊個啱邊個錯?
我覺得阿姐根本上就冇尊重過自己嘅職業同埋客人嘅身份，佢地(因為唔止一個阿姐係幾乎所有阿姐) 都覺得施捨緊服務俾啲客咁...
唉，以前譚仔還是小店時那種濃濃的人情味，在今天的服務對比下，令人倍覺懷念。
張貼