逸逸居 (嘉湖海逸酒店)

營業中

休息中

今日想食中午茶，但係ttown既茶樓又好多人等位，於是就黎左銀座既呢間茶樓試試，中午一點黎到，佢完全唔洗排隊就入得。其實佢張枱上面都有一啲污漬唔係太乾淨，不過都唔理喇叫咗嘢食先🤔雙拼燒肉燒鵝米線一黎到見到係脾位都幾開心，點知食落去d皮都幾幾厚下，冇咩香味🥲。而個燒肉就唔錯，皮脆肉嫩。😀脆燒鱔小食個汁都幾濃味， 其實同鰻魚嘅口感真係好相似😂 質素還好啦！小籠包唉，呢個小籠包，一睇樣就已經知出事。個皮成個菜肉包咁厚，咬落去又係得肉冇汁，根本稱唔上係小籠包😑千奇唔好叫呢樣！蟹籽燒賣佢嘅外貌都好一般，不過咬落去味道又唔錯，有得就咁單叫2粒，可以過下口癮😁菜苗鮮蝦餃成餐呢個最滿意，皮薄餡都好新鮮， 菜同蝦嘅比例均勻，可以一試！總結而言， 飲茶嘅話其實天水圍都有好多選擇，呢一間真係算水平比較偏低嘅一間， 其實之前試過佢嘅晚市小菜係唔錯，而且仲會送糖水🤔 但睇嚟佢嘅點心質素比較欠奉。