彩食酒宴 (已結業)

以為兩個人只可以叫一款放題，問下原來兩個人都可以叫和牛 + 長腳蟹既放題。開頭幾碟既肉都唔係好得，細塊得黎無牛味，只係得雪花。後來果幾碟反更ok，每塊都有成隻手皮咁大，而且亦食到牛肉既鮮味，唔通佢地終於去哂 d 舊貨？蟹腳嘛......叫做比出面一般自助餐既肥大啦，無左 d 超鹹既海水味咁啦，係唔係鮮甜？唔......算啦，反正點都係及唔上北海道架勒。服務又比想像中好，雖然無一個侍應識中文，但係用英文都溝通得既，而且佢地都會好主動咁幫我加食物，都唔駛叫就一盤一盤既牛肉同蟹腳咁拎黎。