Kim's Spoon (MegaBox) (已結業)

帶阿仔去megabox睇lego展，之後食埋晚飯，搵到kim’s Spoon，好野，可以食韓式料理！我地叫左部隊鍋，兩公婆食，阿仔冇份食其實部隊鍋嘅料黎黎去去都係個啲，但唔知點解每次食都覺得好正，泡菜少少辣，午餐肉唔係平時食開淋patpat個啲，係有咬口架，好鍾意！幫阿仔叫左個兒童餐，有壽司，岩晒佢仲有牛肉同粉絲，都好岩阿仔口味呢個炸雞就......點解同我諗嘅韓式炸雞咁唔同嘅？點解嘅？一咬啲肉，炸粉同肉馬上分離，冇味既，係個蜜糖芥末醬加啲分咋，但點解會炸成咁？百思不得其解最後要講講服務質素我俾零分呀！係零分呀！個女侍應全程west面，好似我地殺左佢一家咁款，叫極唔應，間鋪得個幾檯客都咁，多人仲得了？！俾錢貼難受呀簡直永久blacklist!!!!!!!就算部隊鍋好食都咁話呀！