山旮旯 (已結業)

服務需要改善。我本身 book 咗枱，行入餐廳時發覺佢將啲留座牌放喺近走廊嘅枱，但係 walk-in 就可以坐最角落嘅枱（因為冇擺留座牌）。我問佢你唔係應該將 reserved 嗰啲擺喺角落頭啲枱，佢話要喺 booking 度 mark 角落頭才會 entertain。有 book 枱唔係應該有 priority 咩，咁 book 來做乜？仲有，walk-in 嗰對情侶可以坐四人枱，我有 booking 要坐二人枱，仲要突登擺開我張枱，咁算係乜嘢態度（現埸大把位）？我質問佢但佢支唔以對，仲要唔理我耍走我。我再問另一個高啲嘅男員工，佢就提醒嗰對情侶如果滿客佢要搭枱。另外，量體溫比消毒酒精洗手係值得一讚，不過應該喺客人入餐廳前就做，唔係坐咗入來先做。原本我會喺度食飯，結果飲完杯凍咖啡即走。希望有關員工（男，矮啲帶眼鏡嗰個）注意自己態度！呢位員工需要再陪訓！