影片
更多
2021-06-12
74 瀏覽
雖然夏天已到，但都無阻我打邊爐嘅愛好😆 喺網上見到呢間邊爐餐廳新新淨淨咁，價錢又唔錯，就嚟咗一試。湯底方面我哋揀咗一個冬陰功，一個海底椰雪耳竹絲雞滋潤鍋。喺湯未滾之前我哋睇咗少少小食。炸雲吞好脆，好有以前車仔檔嘅炸雲吞味道，我encore咗幾次🤣泰式鳳爪味道夠酸夠辣，都係好好食👍🏻火鍋料方面，個人推介美國封門柳。封門柳入口夠滑，有適量嘅油脂，幾有驚喜。嗌得冬陰功湯底，當然要嗌下啲海鮮食啦。蜆雖然細細粒，但係幾有咸鮮味，同冬陰公湯底非常之夾。青口好大隻，口感算滑，又係好夾湯底👍🏻蝦有蝦味，肉質唔削，都encore咗幾次😝蠔就差少少，上枱果陣仲係冰封狀態，不過味道都正常。菜方面呢度都有冰菜！冰菜爽脆，同邊爐真係好夾🤩嘢飲方面，除咗有一般嘅汽水同冷泡茶之外，竟然仲有竹蔗茅根任飲！我好鐘意竹蔗茅根，所以非常開心。除咗凍飲之外，呢度仲有茶包同埋熱水可以比食客自己沖熱茶，唔鐘意凍飲嘅朋友都有得揀👍🏻特別想讚揚餐廳嘅係，佢哋會因應客人嗌咗嘅湯底，喺枱上面擺定一啲加湯用嘅熱湯，for冬陰功湯底嘅竟然真係冬陰功湯，而唔係普通嘅豬骨湯，呢個做法又方便食客店員又做少啲嘢，覺得其他餐廳都可以效仿一下。另外，店
湯底方面我哋揀咗一個冬陰功，一個海底椰雪耳竹絲雞滋潤鍋。喺湯未滾之前我哋睇咗少少小食。
炸雲吞好脆，好有以前車仔檔嘅炸雲吞味道，我encore咗幾次🤣
泰式鳳爪味道夠酸夠辣，都係好好食👍🏻
火鍋料方面，個人推介美國封門柳。封門柳入口夠滑，有適量嘅油脂，幾有驚喜。
嗌得冬陰功湯底，當然要嗌下啲海鮮食啦。
蜆雖然細細粒，但係幾有咸鮮味，同冬陰公湯底非常之夾。
青口好大隻，口感算滑，又係好夾湯底👍🏻
蝦有蝦味，肉質唔削，都encore咗幾次😝
蠔就差少少，上枱果陣仲係冰封狀態，不過味道都正常。
菜方面呢度都有冰菜！冰菜爽脆，同邊爐真係好夾🤩
嘢飲方面，除咗有一般嘅汽水同冷泡茶之外，竟然仲有竹蔗茅根任飲！我好鐘意竹蔗茅根，所以非常開心。除咗凍飲之外，呢度仲有茶包同埋熱水可以比食客自己沖熱茶，唔鐘意凍飲嘅朋友都有得揀👍🏻
特別想讚揚餐廳嘅係，佢哋會因應客人嗌咗嘅湯底，喺枱上面擺定一啲加湯用嘅熱湯，for冬陰功湯底嘅竟然真係冬陰功湯，而唔係普通嘅豬骨湯，呢個做法又方便食客店員又做少啲嘢，覺得其他餐廳都可以效仿一下。另外，店員嘅服務都非常之殷勤，經常地喺鋪面度巡，一見到有吉碟就會收走👍🏻
overall我覺得嘢食質素唔錯，想抵啲嘅話可以集中食封門柳同海鮮，加上呢度服務良好，地方又大，我哋食得好舒服👍🏻 平平哋嚟講係一個唔錯嘅選擇。
張貼
