珠記

營業中

休息中

雖然住喺附近，但係平時比較少嚟街市食飯，有親戚嚟到呢邊，諗住帶佢地嚟街市食餐飯，一共7個大人，3個小朋友。搵朋友訂咗枱，訂咗一條魚同兩隻蟹，條魚比想像中細好多，好細條，最多夠4個人食，呢餐食得唔飽，都食咗超過一千六百蚊，賣單又唔直接比單我地，淨係直接比銀碼我地，所以都唔知條魚同d蟹收幾錢， 但係我哋約略計算過，佢起碼收左我地7百蚊，真係好海鮮價。同埋呢度連最基本嘅豉椒炒蜆都有沙，懷疑冇吐乾淨沙，連續食咗幾隻都有沙，而且啲阿嬸 侍應完全沒有服務態度可言，寧願去酒樓食得舒服啲同仲低食d。呢度連半隻雞都要200蚊，真係仲貴過酒樓，完全冇雞味，又普通，食過一次就算，唔會再來。