No.5 Italian (已結業)

今晚諗住試下新野就入左去呢間野到試。一開始滿心歡喜入去食。但入到去就發覺賴野。第一，人手不足店內分前後格局，近門前的範圍明顯人手不足。由類似經理的職員一腳踩，帶位、安排坐位、執枱、點菜全由一人負責，見到佢都覺得辛苦。由於由一人負責，令很多時想搵人寫餐或問野都無人幫到手。第二，意粉質素有待改善今晚叫左虎蝦扁麵配龍蝦汁。當碟野到枱的時候已覺得中伏。先講蝦，少、老、鞋。未食過啲蝦可以難食到咁！再講意粉，煮過龍、斷到一節節。我信佢係手製，但煮個過人就好似求其左少少，完全覺得浪費左啲食材。最後講龍蝦汁，有色無味很啖笑。 第三，飲品太甜由於傳統意大利餐廳係唔會供應水嘅關係，我就叫左杯iced lime tea。以為應該無死啦凍青檸茶，點知嚟到。。。說好的青檸呢？得好甜嘅紅茶同一塊超薄青檸。。。甜到飲左少少就加多一半水溝返淡佢。最後總結，自己煮好食過佢，試過就算。