影片
更多
2008-02-29
2 瀏覽
尋晚同媽咪帶左囡囡一齊去呢間朋友推介既俄菜餐廳試試. 一入到諾士佛臺, 巳經比佢成條街既氣氛感染, 呢條街食野既氣氛真係同出面既好唔同. 我地經過好多店鋪都未搵到10號, 呀囡有d心急咁問: 媽咪, 我地唔係去呢間咩? 好喇, 終於搵到喇, 雖然等lift既時間都要幾耐~ 不過lift門一打開, 我地就聽到有人o係喥玩音樂, 呀囡就笑笑口咁望到實果兩位外國人士喇~ 而我地一坐低果陣呀囡竟然問我: 媽咪, 我地唔係出去跳舞咩? 跟住我同媽咪都笑笑咁叫佢自己出去跳啦~ 當然佢咁怕羞係無做到架啦~ 不過佢全程食野都只係望到實呢兩位外國人士. 好喇, 講返d野食先~ 其實我地都唔係叫左好多野食, 因為始於得我地三個人食~ 我地叫左佢個廚師推介既, 鱘龍魚子醬with pancake既野, 一份牛柳串燒, 一個海鮮天使麵, 兩個唔同菜既麵包, 同一杯有酒精同一杯無酒精既飲品. 全部野食裡面呀囡只係鐘意食魚子醬with pancake, 因為佢可以自己將d蛋黃碎同蛋白碎+魚子醬咁+落塊pancake喥, 但得果5塊既pancake, 佢就覺得唔夠lor, 但其實呢個菜都幾貴下, 所以佢有要求我地叫
好喇, 講返d野食先~ 其實我地都唔係叫左好多野食, 因為始於得我地三個人食~ 我地叫左佢個廚師推介既, 鱘龍魚子醬with pancake既野, 一份牛柳串燒, 一個海鮮天使麵, 兩個唔同菜既麵包, 同一杯有酒精同一杯無酒精既飲品. 全部野食裡面呀囡只係鐘意食魚子醬with pancake, 因為佢可以自己將d蛋黃碎同蛋白碎+魚子醬咁+落塊pancake喥, 但得果5塊既pancake, 佢就覺得唔夠lor, 但其實呢個菜都幾貴下, 所以佢有要求我地叫多個比佢, 我地都叫佢試其他野食好過~ 跟住就係兩杯飲品送上喇, 媽咪果杯係一杯有士多啤梨, 仲有d唔記得係咩burry既汁, 我試過, 味道較得岩岩好, 真係幾好飲~ 我果杯就係d vooka with orange juice既野, 都幾好飲~ 跟住上左兩個麵包, 呢款麵包都係我朋友極力推介既, 試過覺得都ok, 又唔算係十分好食~ 跟住好快就上左著火既牛柳串燒喇~ 我留意到呢間餐廳好得意, 佢每上一串串燒比任何一顧客果陣佢都會點火, 跟住拍火掌, 等果顧客pay attendtion既, 呀囡緊係睇到眼都大曬啦~ 伴住呢個串燒, 有一味芝士菠菜蝦, d芝士好creamy, 好滑, 真係無得彈架~ 而d牛真係燒得岩岩好, 勁好食~ 但呀囡平時唔食慣西餐, 所以唔係咁喜歡~ 跟住我地就plan好叫多個天使麵比呀囡啦~ (其實佢都無咩點食) 呢個麵真係好creamy, d麵係比平時果d幼身既, 好好味架~ 本來我地黎果時係plan左要食cake既, 但由於呀囡咩都唔肯食既關係, 佢果份要我同媽咪食埋~ 搞到我地再食唔落cake了, 唯有下次再試啦~
仲要提一提就係食食下野果陣果兩位玩音樂既外籍人仕, 佢地會走到顧客既邊pass d小樂器比果張既顧客一齊玩架, 十分開心~
張貼