影片
更多
2024-08-02
58 瀏覽
平時日式串燒就食得多，日式炸串都係第一次食，今日適逢係月經飯，一於同前度嚟試一試。佢呢度好似日本咁，一坐低會有一個收費小食，佢有三款俾你揀分別係螺絲粉沙律，即茄子或者南瓜。我哋揀咗茄子同埋南瓜，兩個嘅味道都少少酸酸鹹鹹，作為開胃都確實一個唔錯嘅選擇。然之後叫咗個鹽燒枝豆，呢間餐廳每一年都會同福岡大刀洗呢一個地方攞豆，保證絕對空運。唔知係咪因為燒過嘅關係同平時嘅唔同，有額外一陣香味，食到停唔到口。然後我哋揀咗個海鮮卡爾柏橋，咁佢係有三種魚刺身再撈埋蕃茄青瓜同埋紫洋蔥，味道好清新，亦都好飽肚。前菜方面，我哋仲叫咗個汁煮花螺，佢個花螺比我想像中大粒好多，而且佢係用咗辣豉油來做，所以味道辣辣地咁好惹味，最重要係啲肉夠晒厚同埋大粒。經職員介紹我哋揀咗佢話呢度好受歡迎嘅炸彈，佢嘅炸彈其實係流心蛋，而蛋與炸皮之間包咗一層五花腩，再配埋佢哋呢度嘅特調炸串醬汁，味道有幾唔錯。我哋仲叫咗兩串雞腿肉同埋蘆筍，除咗可以點佢哋個炸串汁之外，仲可以試吓講甜麵豉醬，又真係幾好食喎。值得一提嘅係其他好多餐廳攞嚟墊底嘅都係一啲雜椰菜絲，但係呢度揀嘅係日本嘅椰菜，超爽脆同埋清甜，呢一款菜係生食比起熟食更加好味。然後我哋仲
佢呢度好似日本咁，一坐低會有一個收費小食，佢有三款俾你揀分別係螺絲粉沙律，即茄子或者南瓜。我哋揀咗茄子同埋南瓜，兩個嘅味道都少少酸酸鹹鹹，作為開胃都確實一個唔錯嘅選擇。
然之後叫咗個鹽燒枝豆，呢間餐廳每一年都會同福岡大刀洗呢一個地方攞豆，保證絕對空運。唔知係咪因為燒過嘅關係同平時嘅唔同，有額外一陣香味，食到停唔到口。
然後我哋揀咗個海鮮卡爾柏橋，咁佢係有三種魚刺身再撈埋蕃茄青瓜同埋紫洋蔥，味道好清新，亦都好飽肚。
前菜方面，我哋仲叫咗個汁煮花螺，佢個花螺比我想像中大粒好多，而且佢係用咗辣豉油來做，所以味道辣辣地咁好惹味，最重要係啲肉夠晒厚同埋大粒。
經職員介紹我哋揀咗佢話呢度好受歡迎嘅炸彈，佢嘅炸彈其實係流心蛋，而蛋與炸皮之間包咗一層五花腩，再配埋佢哋呢度嘅特調炸串醬汁，味道有幾唔錯。
我哋仲叫咗兩串雞腿肉同埋蘆筍，除咗可以點佢哋個炸串汁之外，仲可以試吓講甜麵豉醬，又真係幾好食喎。
值得一提嘅係其他好多餐廳攞嚟墊底嘅都係一啲雜椰菜絲，但係呢度揀嘅係日本嘅椰菜，超爽脆同埋清甜，呢一款菜係生食比起熟食更加好味。
然後我哋仲叫咗個燒牛舌，佢呢度嘅牛舌係薄切嘅，我就係嫌佢有少少靭，可能厚返少少會腍啲。
跟住仲有一個炆魚餃，佢炆之前又攞去炸一炸，所以個皮係金黃色，但係入邊啲肉都仲可以保持嫩滑，不過略嫌佢個汁有啲偏鹹，如果可以分開上嘅話會更加完美。
最後就係佢呢度嘅特色嘢，牛腸鍋。職員話呢一個牛腸係用和牛，所以會比較肥，職員亦都好細心咁樣講解個煮法，千祈唔可以超過1分鐘，如果唔係牛腸就會變得好韌。除咗牛腸之外佢仲有明太子。職員介紹呢一個明太子生食比熟食更好味，因為一旦熟咗口感會唔同咗同埋會散開晒。
個鍋底係用咗芽菜韭菜同埋椰菜，因為我哋揀咗鹽湯底，所以個湯真係好清甜，啲蔬菜朔晒啲湯嘅味道，真係好正。最重要係佢嘅蔬菜夠多都夠飽肚中和返牛腸嘅油膩。
兩個人食咗咁多嘢，又可以舒舒服服咁傾偈，職員又好態度服務又夠殷勤，呢個價錢我覺得可以。
張貼
