柏景餐廳 (已結業)

趁住有優惠又聽朋友講OK，所以試呢間嘅自助晚餐。成個環境都舒適寬敞，光線充足，好舒服。因為衛生關係，以往客人自助取食物都改由廚師同侍應幫助，減少互相接觸餐具。是日餐湯有南瓜忌廉湯、豬骨湯及花膠雞燉湯。南瓜忌廉湯夠濃稠南瓜味亦都豐富。揀咗兩款餐包，可惜無黑麥包提供。包身偏硬又煙韌，沾湯食會適合好多。豬骨湯，可能無落太多鹽調味，完全飲唔出肉湯，亦飲唔到啲配料味道，連有無紅蘿蔔粟米呢啲基本配料都飲唔出。花膠雞燉湯每盅都好足料咁，花膠又綿滑軟，可惜個湯身又係無味，感覺係有少少味嘅滾水咁。食物選擇好似都幾多咁，日式刺身即叫即切，三文魚、希靈魚吞拿基本款都有提供，就新鮮厚切。壽司供應唔多選擇，軍艦、火炙嘅亦得一兩款，唔大驚喜。凍盤選擇唔多：長腳蟹、龍蝦、煙三文魚、火腿片、冷麵，唔係蠔當造季，所以無即場無蠔嘅畫面，螺都好似唔覺有。龍蝦仔係雪藏凍，入口爽口彈牙，但感覺並唔係好新鮮，煙三文魚都只係中規中矩。熱盤供應亦都唔算多，雖然中西日泰印都好似有，但又僅得一兩盤選擇。好彩都有個肉眼扒同羊架加返分，兩樣都厚切鮮嫩肉汁。羊架亦都做到骨肉分離剛剛好，少少膻味保留到。呢期主題係天婦羅：蝦天婦、雜菜天婦羅都有。