影片
更多
2012-07-20
13 瀏覽
買咗團購成個月, 終於同男友尋日去咗試啦. 服務方面應該係明顯改善咗, 我BOOK 枱以至去到食的整個過程都冇之前食家寫的咁差. 服務幾好一去到就有位, 上菜都好快, 但係食物就真係普普通通..- 我同男友都要酸辣湯, 味道酸咗些少, 男友話比較辣- 雞軟骨: 味道一般, 冇乜特別- 青瓜幾好味- 我同男友都係好鐘意食小籠包, 但係呢度整得真係麻麻, 係熱辣辣的但係皮較厚, 食的時侯係完全唔會怕有汁飛出嚟, 因為裏面根本冇乜汁, 肉又少, 我地食後感係覺得好似超巿買的青島小籠包咁 - 片皮鴨: 不過不失啦, 食的時候唔會有太油的感覺, 唔會見到皮下有一大層油脂, 不過D鴨肉就冇乜鴨味囉 (P.S. 佢地又冇話醬要收錢喎, 應該係睇咗食評改進咗啦走的時侯佢都係有收我地$11, 但係我地冇食前菜同冇比花生我地喎, 咁呢$11係咪加一呢? 定係菜芥呢? (但係得水咋喎, 其實做得中式餐廳, 茶都係好基本架啦, 茶餐廳都會比杯茶啦) 我地都冇深究比咗錢就走啦. 其實我覺得做團購對一間餐廳都算係就緊宣傳呀, 做得好啲啲客先會返轉頭架嘛, 如果要將價就貨的話就不如唔好就團購啦, 一次冇回頭咪仲衰
- 我同男友都要酸辣湯, 味道酸咗些少, 男友話比較辣
- 雞軟骨: 味道一般, 冇乜特別
- 青瓜幾好味
- 我同男友都係好鐘意食小籠包, 但係呢度整得真係麻麻, 係熱辣辣的但係皮較厚, 食的時侯係完全唔會怕有汁飛出嚟, 因為裏面根本冇乜汁, 肉又少, 我地食後感係覺得好似超巿買的青島小籠包咁
- 片皮鴨: 不過不失啦, 食的時候唔會有太油的感覺, 唔會見到皮下有一大層油脂, 不過D鴨肉就冇乜鴨味囉 (P.S. 佢地又冇話醬要收錢喎, 應該係睇咗食評改進咗啦
走的時侯佢都係有收我地$11, 但係我地冇食前菜同冇比花生我地喎, 咁呢$11係咪加一呢? 定係菜芥呢? (但係得水咋喎, 其實做得中式餐廳, 茶都係好基本架啦, 茶餐廳都會比杯茶啦) 我地都冇深究比咗錢就走啦.
其實我覺得做團購對一間餐廳都算係就緊宣傳呀, 做得好啲啲客先會返轉頭架嘛, 如果要將價就貨的話就不如唔好就團購啦, 一次冇回頭咪仲衰...
張貼