紅蔥頭 (已結業)

星期五旺角夜,去到朗豪坊心大心細唔知食咩好經過紅蔥頭見好耐無食就入黎再試試叫左個二人餐,貪佢唔算貴又多野食服務質素好好,叫左兩個蘑菇湯,黎錯左兩個紅湯,即刻幫我地換番,個湯都幾有蘑菇味道,忌廉味唔太重,所以飲完都唔會飽到食唔落其他菜色田螺都幾入味,份量適中,薯蓉撈埋D汁都好滑好食帶子燒牛柳,兩粒帶子細細粒,煎得香口,牛柳就好軟腍,口感不錯墨汁意粉就個汁比較濃,都算入味最後有兩球雪糕,賣相相當靚餐廳環境雖唔算闊,但燈光暗暗地都幾舒服而且選擇多,而家有懷舊扒餐,見到旁邊食扒餐都相當大份服務質素都好好,會主動幫你加水同人手充足,唔會無人服務你