川莊

營業中

休息中

至鐘意食辣野既我，見到朗豪坊大大隻招牌話開左間新川菜，即刻睇完戲就去試下星期六夜晚都唔算等得耐，大約15-20分鐘左右。Lee間店有個特色就係門口有塊大大塊既玻璃，可以睇到d師父燒串燒。無錯，lee間川菜係有串燒食嫁。但因為同男朋友兩個去，所以食得唔多野，唯有下次再叫串燒啦。Lee到既水煮系列係招牌菜，同男友兩個人就叫左個酸菜魚食實在係好好好大盤，兩個人食真係好飽，因為除左酸菜魚，仲要有好多好多薯粉係裡面，另外如果想食其他配菜都係可以加錢加。Lee盤酸菜魚d魚真係好滑好滑，而且唔會一夾就散開，真係好好食，而且口味可以選辣同唔辣，甘我當然係食辣啦！但唯一一樣不足就係對於食辣控黎講，就會唔夠辣味，不過整體黎講係幾好食。下次會再去試下其他辣d既水煮系列，再同大家分享下。