LAB10 (裝修中)

同fd係旺角朗豪坊睇完戲，大家都想食韓國菜就黎到LAB 10！餐廳位置相當方便而且店舖裝修都幾時尚！餐廳既任飲任食無煙韓燒通風系統好好食完真係唔會成身燒肉味！而呢度燒肉放題啱哂鍾意食唔同肉類既朋友！另外小食、瓜菜類及無酒精飲品都係任飲！啤酒就做緊買二送一優惠！我地選左燒肉B餐，先來一客美國安格斯牛肉拼盤有牛板腱、牛肩肉、牛脊肉、一口牛及牛舌等等..個人特別鍾意韓式梨汁牛五花入口即化！韓式豬五花一啲都唔柴、雞臀夠入味又爽口！另外廣島蠔大大粒、海蝦新鮮彈牙！超鮮甜海蜆！食完一轉又一轉！最尾將瓜類放進蜆湯裡煮淋幾好食！辣豆腐湯豆腐超嫩滑飲落夠辣暖粒粒好正！自取區有泡菜、青瓜、青口、炸薯條、棉花糖等等飲品點了西柚梳打及青檸梳打！酸酸地開胃得黎又可解肥膩！