火車頭越南餐室 (朗豪坊)

營業中

休息中

依家朗豪坊嘅餐廳越來越多,連越南菜都有進駐,多咗一個開飯選擇。爽脆嘅青木瓜沙律加上牛肉乾配上酸酸甜甜嘅醬汁,清新得黎又開胃。我點左越南菜必食嘅生牛肉河粉,大大碗生牛肉片河粉有羅勒,乾蔥同洋蔥絲作為配料,另外再附上一碗碟芽菜,紅椒同青檸自行配搭,生牛肉片份量不少,牛味濃又嫩滑。 咖喱牛腩充滿越南特色,九層塔同椰奶味道突出。牛腩大大件而且份量算多,肉質被煮得軟腍,用嚟送飯一流。第一次飲用牛油果製成嘅飲品,感覺新奇有趣所以一試。牛油果奶昔打得細滑順口,飲得出淡淡牛油果既香味,味道清新有驚喜。