彩子 (已結業)

小清新飲料！位處於朗豪坊一個樓梯角落，擺放住一支支茶飲，風格好文青。方方地嘅膠樽，望到入邊嘅材料，既可愛又吸引。芋泥豆乳$35- 低糖豆乳感覺健康，材料充足，有滿滿嘅芋泥。呢度嘅芋泥唔幼滑，依然食到一大舊芋頭粒粒，真材實料。不過有時芋頭大粒到用紙飲管都通唔過，樽口又細，好困難先食到。愛文芒果茶$40- 我鍾意呢款水果茶多啲！有好多粒粒芒果食到，茶味同芒果非常夾，味道香甜又解渴，好味道！同芋頭比較起上嚟，芒果清新一啲，同埋容易啲同茶底結合。