影片
更多
2021-03-27
345 瀏覽
超多人大推嘅 Dough Bros！想食呢間嘅pizza好耐！但四間分店都係係港島，亦只提供takeaway，所以遲遲都未嚟食。Dough Bros嘅pizza同doughnut都用咗秘製酸種麵團，pizza全人手搓、即叫即做，可以隔住個玻璃窗 欣賞到廚師嘅手藝！店員們都超nice derrrr。全部Pizza都會跟signature garlic & herb dip！食落別有一翻風味。最近仲推岀左兩款new dips：Smokey barbecue、sweet sweet chilli。▪️The Pepperoni $128Pizza用上酸種麵團，薄薄嘅批底柔軟得嚟，帶點嚼勁，批邊相當香脆！淡淡麵粉香~ 面層鋪滿芝士同蕃茄醬，超足料！加上辣肉腸基本上係不敗組合！餅底跟配料比例啱啱好，薄得嚟唔會過濕，又會品嚐到餡料同麵團嘅香氣同口感。其實批邊就咁食已經好正！重口味人士就可以沾上garlic & herb dip！真係好香蒜味！▪️The Truffle $168NEW ITEM!!!又一款適合vegetarian嘅pizza！批底都係一樣柔軟帶咬口。Pizza真心要趁熱食！隨住時間同温
想食呢間嘅pizza好耐！但四間分店都係係港島，亦只提供takeaway，所以遲遲都未嚟食。
Dough Bros嘅pizza同doughnut都用咗秘製酸種麵團，pizza全人手搓、即叫即做，可以隔住個玻璃窗 欣賞到廚師嘅手藝！店員們都超nice derrrr。
全部Pizza都會跟signature garlic & herb dip！食落別有一翻風味。最近仲推岀左兩款new dips：Smokey barbecue、sweet sweet chilli。
▪️The Pepperoni $128
Pizza用上酸種麵團，薄薄嘅批底柔軟得嚟，帶點嚼勁，批邊相當香脆！淡淡麵粉香~
面層鋪滿芝士同蕃茄醬，超足料！加上辣肉腸基本上係不敗組合！餅底跟配料比例啱啱好，薄得嚟唔會過濕，又會品嚐到餡料同麵團嘅香氣同口感。
其實批邊就咁食已經好正！重口味人士就可以沾上garlic & herb dip！真係好香蒜味！
▪️The Truffle $168
NEW ITEM!!!
又一款適合vegetarian嘅pizza！
批底都係一樣柔軟帶咬口。Pizza真心要趁熱食！隨住時間同温度嘅變化，批邊會由香脆變得煙韌。
見到店員真係搽左唔少black truffle係底，不過食落truffle味唔算太重。勝在菇爽口多汁，火箭菜平衡左芝士嘅鹹香，調味較Pepperoni個款淡，麵粉香氣相對突岀。
Vegans仲可以加錢轉水牛芝士做純素芝士！
▪️Doughnuts $38
冬甩有3款口味，分別係Custard、strawberry、Nutella。冬甩即叫即炸熱辣辣，軟熟帶咬口，富蛋香。中間唧滿餡，一咬完全bit晒岀嚟！依家仲可以揀沾上cinnamon sugar！Nutella x cinnamon sugar 呢個配搭不錯喔~ 啱晒肉桂同Nutella嘅愛好者。雖然好甜好邪惡，但係食完真係有滿足嘅感覺！
▪️Peroni $40
啤酒清新，爽朗順口，陣陣啤酒花嘅香味。一啖pizza，一啖啤酒，簡直無得彈！
張貼
