影片
更多
2022-07-20
76 瀏覽
朋友最近介紹呢間Omakase, 不但望到維港景色之外，食物質素仲要好好，師傅更會耐心介紹每一樣食物的選材，確實感受到餐廳對食物品質的堅持。鮨 $1880 /人 🌝前菜作為餐點第一道菜式，牡丹蝦慕絲入口嫩滑，配上三文魚子，更將魚湯造成啫喱狀，最後加入紫蘇花香更添層次🌝刺身 八盛🐟右口魚右口魚刺身配上馬糞海膽，上面灑了竹炭鹽作調味，不會搶去刺身的鮮味，右口魚的油脂香包裏住味道濃郁的馬糞海膽，非常出色。另外碟中仲有一款係炙燒右口魚裙邊，經過炙燒之後更入口即融，化成甘香的魚脂味🐟鰤魚鰤魚的皮經網燒後將油分逼出，同時不會影響到中間鮮嫩嘅肉質，再配搭埋上柚子胡椒作調味，配搭得相得益彰。另外師傅同我哋講鰤魚要到達某重量才可以界定鰤魚，而不足秤嘅就只稱油甘魚，可見對食材的用心。🐚象拔蚌象拔蚌刺身配搭埋岩鹽和青檸汁作調味，味道清新 🥰非常爽口🐟宮城縣野生拖羅刺身配搭有Wasabi漬，即將原條Wasabi當中的最頂部磨成蓉。中拖羅因為運動量足夠，所以口感較為紮實。而大拖羅既油脂較重，配搭埋微脆口感的Wasabi 漬食落更豐富。🐟太刀魚經過火燒嘅太刀魚入口更香，再配搭埋wasabi食用，油而不膩，將食材處
鮨 $1880 /人
🌝前菜
作為餐點第一道菜式，牡丹蝦慕絲入口嫩滑，配上三文魚子，更將魚湯造成啫喱狀，最後加入紫蘇花香更添層次
🌝刺身 八盛
🐟右口魚
右口魚刺身配上馬糞海膽，上面灑了竹炭鹽作調味，不會搶去刺身的鮮味，右口魚的油脂香包裏住味道濃郁的馬糞海膽，非常出色。
另外碟中仲有一款係炙燒右口魚裙邊，經過炙燒之後更入口即融，化成甘香的魚脂味
🐟鰤魚
鰤魚的皮經網燒後將油分逼出，同時不會影響到中間鮮嫩嘅肉質，再配搭埋上柚子胡椒作調味，配搭得相得益彰。另外師傅同我哋講鰤魚要到達某重量才可以界定鰤魚，而不足秤嘅就只稱油甘魚，可見對食材的用心。
🐚象拔蚌
象拔蚌刺身配搭埋岩鹽和青檸汁作調味，味道清新 🥰非常爽口
🐟宮城縣野生拖羅
刺身配搭有Wasabi漬，即將原條Wasabi當中的最頂部磨成蓉。
中拖羅因為運動量足夠，所以口感較為紮實。
而大拖羅既油脂較重，配搭埋微脆口感的Wasabi 漬食落更豐富。
🐟太刀魚
經過火燒嘅太刀魚入口更香，再配搭埋wasabi食用，油而不膩，將食材處理得極致
🐟池魚
師傅將池魚鎅花後再加入薑和芽蔥，上面灑上左芝麻，更有紫蘇花做陪襯。池魚肉質較厚身，將紫蘇花加入刺身內食用，味道更顯溫和。
🦑墨魚
日本墨魚有新鮮嘅黏笠口感，師傅將其切絲後口感更分明。及後灑上淡雪鹽，再配合魚子醬、三文魚子和紫蘇花，非常鮮味，我自己就好鐘意呢味🥰🥰
🦪岩手縣赤崎生蠔
赤崎生蠔的海水味比一般重，再配搭埋紫洋蔥醬同檸檬汁作調味，入口時蠔的鮮甜瞬間充滿口腔，真係好正🤤
🌝炸物
🦀炸蟹肉忌廉薯餅
新鮮炸起的忌廉薯餅，一夾起已經見到一絲絲蟹肉，可見幾足料！🤩
一食落口感受到濃郁嘅忌廉味，而且真係每一啖都可以食到蟹肉啊
🌝壽司 八盛
🍣深海池魚
深海池魚不需要點其他醬料，都已經食到佢原本嘅鮮味🤤
🍣地金目鯛
地金目鯛即是金目鯛中品質最高，所以不需要火炙處理，食到最原始的嫩滑口感
🍣昆布漬小白蝦
無數嘅小白蝦而交織而成，加入了檸檬皮，為新鮮嘅黏笠口感添加清新味
🍣春子鯛
鮮嫩嘅春子鯛配搭帶咸香味嘅烏魚子粉，互補平衡🥰
🍣鯖魚
鯖魚肉質較腍身，配搭上三星漬作調味，入口層次分明
🍣活赤貝
大大片既赤貝非常爽口，好新鮮啊
🍣梭子魚
師傅先在梭子魚皮上鎅花，再經火炙後可以看到魚邊開始收縮並卷起，瞬間的油份爆出，香口又美味🥰
🍣鹽水海膽手卷
呢道實在極邪惡🥹係海膽啊！！仲要係鹽水海膽，比起平時既海膽無添加防腐劑，食落更新鮮
入口即融，沒有絲毫腥味，濃厚海膽直衝味蕾🤤好想再食
🌝湯品
🥣宮城縣群翅清湯
非常清甜，更有一片群翅，再配上芽蔥，為清湯生色不少
🌝水果
🍈赤肉哈蜜瓜
哈蜜瓜作為餐後甜品，清甜的味道最適合清一清味蕾，甜度適中
🌝甜品
🍮抹茶奶凍
微甘的抹茶汁作為奶凍的上層，配合甜甜的紅豆蓉和奶凍後取得平衡，
作為餐點最後一道菜式感覺相當圓滿🥰
張貼
