影片
更多
2022-11-08
227 瀏覽
間唔中都會過嚟 iSQUARE 食晏，最近得知 24 樓新開咗間「港滙軒」，趁今日要嚟附近辦事，中午就專登過嚟飲餐茶、食下點心。酒家裝潢美觀大方，坐擁落地大玻璃，可以飽覽維港靚景，而且檯同檯之間亦唔會好迫，留有適當空間，好適合宴客或良朋共聚。呢度嘅點心選擇好豐富，既有新派、亦有懷舊，另外仲有一系列潮陽滷水小碟、潮州點心等供應。港滙蝦餃皇 ($45) 蝦餃即點即蒸，熱辣辣送上，外形非常飽滿，皮薄餡靚，蝦肉新鮮、爽口彈牙，一啖一隻，食盡所有精華。蟹籽燒賣皇 ($45) 燒賣水準亦唔錯，大大粒，肉質結實鮮甜，而且咬落去勁多汁，味道超香濃，食完好有滿足感。鮮淮山雞扎 ($39) 雞扎棄用腐皮，改用鮮淮山切成薄片，再將又腍又入味嘅雞肉、冬菇、魚肚同芋頭綑住。雞肉細嫩，魚肚爽滑不腥，味道不俗。荷葉珍珠雞 ($39) 珍珠雞一籠 3 件，食材有糯米、豬肉、雞肉、蛋黃同香菇等，非常足料。糯米飯煙韌軟糯，入口餡豐汁多，加上每啖都充滿荷香，非常滋味。另外仲點咗兩款煎炸點心，腐皮卷 ($39) 用上原隻鮮蝦炮製，腐皮炸得好脆口，蝦肉鮮甜爽彈，食落啖啖肉，好 Juicy，真係無得彈。啤梨鹹水角 ($
間唔中都會過嚟 iSQUARE 食晏，最近得知 24 樓新開咗間「港滙軒」，趁今日要嚟附近辦事，中午就專登過嚟飲餐茶、食下點心。
酒家裝潢美觀大方，坐擁落地大玻璃，可以飽覽維港靚景，而且檯同檯之間亦唔會好迫，留有適當空間，好適合宴客或良朋共聚。
呢度嘅點心選擇好豐富，既有新派、亦有懷舊，另外仲有一系列潮陽滷水小碟、潮州點心等供應。
港滙蝦餃皇 ($45) 蝦餃即點即蒸，熱辣辣送上，外形非常飽滿，皮薄餡靚，蝦肉新鮮、爽口彈牙，一啖一隻，食盡所有精華。
蟹籽燒賣皇 ($45) 燒賣水準亦唔錯，大大粒，肉質結實鮮甜，而且咬落去勁多汁，味道超香濃，食完好有滿足感。
鮮淮山雞扎 ($39) 雞扎棄用腐皮，改用鮮淮山切成薄片，再將又腍又入味嘅雞肉、冬菇、魚肚同芋頭綑住。雞肉細嫩，魚肚爽滑不腥，味道不俗。
荷葉珍珠雞 ($39) 珍珠雞一籠 3 件，食材有糯米、豬肉、雞肉、蛋黃同香菇等，非常足料。糯米飯煙韌軟糯，入口餡豐汁多，加上每啖都充滿荷香，非常滋味。
另外仲點咗兩款煎炸點心，腐皮卷 ($39) 用上原隻鮮蝦炮製，腐皮炸得好脆口，蝦肉鮮甜爽彈，食落啖啖肉，好 Juicy，真係無得彈。
啤梨鹹水角 ($33) 造型超吸睛，外皮翠綠酥香，內裡軟糯煙韌，餡料有豬肉碎、蝦米、冬菇和沙葛等，入口完全無油膩感，鹹香味美👍🏻
張貼
