影片
更多
2023-10-17
1582 瀏覽
《海都酒家 - 金鐘》每年到左九月十月，又點可以唔食大閘蟹呢😎年年到左呢個時段都會瘋狂食蟹食到人地滅村咁滯🤣今次多得車車 @kchelseapy介紹，去左一間水準好高既酒家食蟹宴，四人餐都係$2288，除左蟹粉菜式之外，餐入面一共有兩公一乸大閘蟹🦀呢個時候食公就最正啦，隻隻都足五兩巨大隻，連平日好少食既腳都好多肉好飽滿😋不過我成晚拆蟹拆到手都軟😂講下四人餐有咩先，我地四個人食，由頭食到尾未停過，個套餐每道菜式以人頭計，以為會唔夠食仲叫多左其他野，當晚真係食到巨飽💁🏻♀️蟹粉蒜蓉包 八件睇落平平無奇，但食落勁正😎個蟹粉係重點黎，質地十分creamy 而且甘香，仲有蟹肉喺入面，抹塗落脆脆既蒜蓉包入面真係巨正💪🏻💁🏻♀️鮮拆蟹粉小籠包 四件一人一件原籠奉上，要襯佢熱辣辣時即食呀👍🏻個皮雖然薄，但帶點煙韌既口感，入面包住濃郁既蟹粉湯同鮮肉，必食💁🏻♀️羊肚菌燉螺頭湯前菜幾道菜都係用黎暖暖個胃，個湯清新得黎入口有好香既菇菌味，螺頭煮得軟淋唔會韌，我當日係連湯渣都清曬的💁🏻♀️虎蝦脆窩巴賣相勁討好，大大隻煎香彈牙既虎蝦加上蟹粉，下面係脆脆既窩巴，整體口感好特別💁🏻♀️清蒸大閘蟹 重頭戲就梗係大閘蟹
每年到左九月十月，又點可以唔食大閘蟹呢😎年年到左呢個時段都會瘋狂食蟹食到人地滅村咁滯🤣今次多得車車 @kchelseapy介紹，去左一間水準好高既酒家食蟹宴，四人餐都係$2288，除左蟹粉菜式之外，餐入面一共有兩公一乸大閘蟹🦀呢個時候食公就最正啦，隻隻都足五兩巨大隻，連平日好少食既腳都好多肉好飽滿😋不過我成晚拆蟹拆到手都軟😂講下四人餐有咩先，我地四個人食，由頭食到尾未停過，個套餐每道菜式以人頭計，以為會唔夠食仲叫多左其他野，當晚真係食到巨飽
💁🏻♀️蟹粉蒜蓉包 八件
睇落平平無奇，但食落勁正😎個蟹粉係重點黎，質地十分creamy 而且甘香，仲有蟹肉喺入面，抹塗落脆脆既蒜蓉包入面真係巨正💪🏻
💁🏻♀️鮮拆蟹粉小籠包 四件
一人一件原籠奉上，要襯佢熱辣辣時即食呀👍🏻個皮雖然薄，但帶點煙韌既口感，入面包住濃郁既蟹粉湯同鮮肉，必食
💁🏻♀️羊肚菌燉螺頭湯
前菜幾道菜都係用黎暖暖個胃，個湯清新得黎入口有好香既菇菌味，螺頭煮得軟淋唔會韌，我當日係連湯渣都清曬的
💁🏻♀️虎蝦脆窩巴
賣相勁討好，大大隻煎香彈牙既虎蝦加上蟹粉，下面係脆脆既窩巴，整體口感好特別
💁🏻♀️清蒸大閘蟹
重頭戲就梗係大閘蟹啦😎我個人喜歡食公既白膏，入口甘香，同埋當日食既已經係當造既公蟹啦，白膏特別多同大隻，每隻腳我都十分用心去食完架，而蟹乸就係比較實既橙膏，食落就比較滿足😌不個我都係公蟹fans 多啲💁🏻♀️黑松露脆皮乳鴿 兩隻
乳鴿每人分到半隻，一定要點佢個特調既黑松露鹽黎食，喜歡黑松露既我就覺得佢個味道好出好特別，乳鴿同樣炸得香脆，肉汁豐富而且濃郁
💁🏻♀️蟹粉扒菜苗
雖然話蔬菜清清地，但呢個菜見到上面佈滿厚厚既蟹粉都知係邪惡野🥰好creamy好多蟹肉，啲蟹粉多到可以包裹住每一條菜，送飯一流
💁🏻♀️窩心薑茶湯丸
食完蟹就當然要飲薑茶啦，佢呢度用左湯丸黎配薑湯，湯丸入面係芝麻餡料，不過想講吓佢個薑湯其實都幾辣下，不過我個人喜歡辣薑茶，所以接受到的，食完個胃暖笠笠😂
⭐️重點推介 - 炸子雞脾
炸子雞一向皮脆肉嫩，喜宴既時候必定會食，但咁奢侈用炸子雞既方式整雞脾就真係第一次試啦😍原隻炸雞脾拎住黎食真係勁爽，仲要入面勁多肉汁，如果黎呢度食飯真係要試下😉當然啦，炸子雞同樣都好好食，但咁樣拎住一人一隻大脾黎咬出面真係未必食到架嘛👍🏻👍🏻勁推
⭐️重點推介 - 原粒蛋黃蓮蓉壽桃包
超出色🥰我平日好少食呢個包架，一來麻麻地蓮蓉，二來覺得個麵包皮好厚會好乾身，但呢度既佢個麵皮好軟之餘仲唔會乾，入面既蓮蓉無一般坊間既咁甜膩，包住原粒漏曬油既咸蛋黃，食落超guilty😎不過我食得曬
⭐️千層咖啡糕
Cappuccino 版既千層糕，唔會太甜得黎仲好重奶咖啡味，估唔到咸點正，甜點都好出色👍🏻
張貼
