海南少爺 (已結業)

 海南少爺係海港城入面食新加坡野既，最入面既位仲可以睇到無敵大海景🤩除左最傳統最常見既新加坡菜色好似喇沙、肉骨茶呢啲之外，仲有其他創新啲既野食，而且嘢食質素都唔錯！另外佢呢度既茶都比較特別，係荔枝紅茶黎，飲落清甜解膩👍  1️⃣椰香海鮮喇沙（$98）個喇沙好香椰香味，另外配料都好豐富，有三大隻蝦🦐魚片、魷魚圈，仲有半隻半熟蛋🤤麵底係摻摻，有米線同米粉，米粉掛湯啲，米線食落就滑身，配合埋香濃既湯底，真係令人食唔停口。  2⃣️星洲醬油參巴炒蘿蔔糕（$72） 呢個係佢地既招牌菜式之一，炒得好香好惹味，辣辣地，仲有啲芽菜，係出面未食過呢道菜。蘿蔔糕食落絕對有驚喜🤩醬汁夠濃夠香，但係唔會炒得濕立立，食落蘿蔔糕面頭超香脆，黎到一定要試下呢個！  3⃣️海鮮釀油條（$68）油炸鬼中間釀左啲蝦滑墨魚滑咁，中間既料都塞得幾多。油炸鬼炸得好脆，食落係喀喀聲，再點埋酸辣醬食，作為小食食真係一流！  4⃣️馬來蝦麵（$98）配料都係好豐富，有芽菜、炸蒜、豬油渣、肉片、蝦、半熟蛋。麵底係油麵加米粉，就咁食落好濃味，不過就咁食就ok，如果飲個湯既話，就太鹹😢個人就鍾意個喇沙都啲。