影片
更多
2023-02-16
243 瀏覽
餐廳位於ISQUARE 24樓，近窗邊位置更加飽覽維港既景色，坐海景位置比例多人有機會比較嘈，如果想靜靜地享受食物就建議要求坐番中庭或較入既位置。蝦籽海蜇($88)涼拌海蜇上灑上蝦籽，海蜇調味帶小小辣，食落爽脆開胃，加上蝦籽後雖然口感上食唔出大分別，但可令菜式多左種海鮮咸香既感覺。原盅花膠燉螺頭湯($88)湯頭顏色較清，面頭無咩油，飲落尚算清甜，眼見都落左唔小料去燉，鐘意飲湯既朋友可以試下。黑松露滑蛋蝦球($148)蝦球份量好多，一碟有成十隻，每隻蝦肉質爽彈，食落鮮甜無雪味，而且每隻蝦都挑哂蝦腸乾乾淨淨可以放心食。黑松露整體比較淡，滑蛋就正常發揮，抵讚既就係唔會炒到好油，而且調味適中，送飯一流既小菜。龍蝦湯西施泡飯($198)餐廳用砂窩上菜保持到溫度，湯飯份量好多，兩個人每人分到兩碗有多。除左份量大，用料都好足，帶子同大蝦份量都好多，帶子勁大粒而且味道鮮甜，蝦球同炒蛋水準一樣爽彈鮮甜。龍蝦味相對淡D但整體調味好好唔會過咸同時食到海鮮既鮮味，食完成個人暖笠笠，好食飽肚之選。除左小菜水準唔錯外，餐廳亦有提供一D比較特別既茶葉，包人參烏龍，當日就試左人參烏龍，飲落回甘味強，後勁帶小小鳥龍既清
蝦籽海蜇($88)
涼拌海蜇上灑上蝦籽，海蜇調味帶小小辣，食落爽脆開胃，加上蝦籽後雖然口感上食唔出大分別，但可令菜式多左種海鮮咸香既感覺。
原盅花膠燉螺頭湯($88)
湯頭顏色較清，面頭無咩油，飲落尚算清甜，眼見都落左唔小料去燉，鐘意飲湯既朋友可以試下。
黑松露滑蛋蝦球($148)
蝦球份量好多，一碟有成十隻，每隻蝦肉質爽彈，食落鮮甜無雪味，而且每隻蝦都挑哂蝦腸乾乾淨淨可以放心食。黑松露整體比較淡，滑蛋就正常發揮，抵讚既就係唔會炒到好油，而且調味適中，送飯一流既小菜。
龍蝦湯西施泡飯($198)
餐廳用砂窩上菜保持到溫度，湯飯份量好多，兩個人每人分到兩碗有多。除左份量大，用料都好足，帶子同大蝦份量都好多，帶子勁大粒而且味道鮮甜，蝦球同炒蛋水準一樣爽彈鮮甜。龍蝦味相對淡D但整體調味好好唔會過咸同時食到海鮮既鮮味，食完成個人暖笠笠，好食飽肚之選。
除左小菜水準唔錯外，餐廳亦有提供一D比較特別既茶葉，包人參烏龍，當日就試左人參烏龍，飲落回甘味強，後勁帶小小鳥龍既清香。餐廳仲會提供一個小小蠟燭盤座住茶壺，令茶水可以保持一定溫度。
侍應姐姐好好招呼亦會介紹唔同食物，食物水準中上水平，價錢以地段及環境黎講亦算抵食，睇到海景得黎又有得食，同商場落兩層食隻鮑魚都唔只呢餐飯個價啦～整體體驗唔錯，有機會可帶屋企人黎慶祝做節都不失為一個好選擇。
茶$18/位
芥$8/位
張貼
